ފެކަލްޓީ އޮފް އެޑިއުކޭޝަން ސްޓޫޑެންޓްސް އެސޯސިއޭޝަން (ފެސާ)އިން ފެކަލްޓީ އޮފް އެޑިއުކޭޝަންގައި ކިޔަވާ ދަރިވަރުންނަށް ޖެނެރަލް މީޓިންގ ބާއްވައިފިއެވެ.
ސެޕްޓެމްބަރު 1 ގައި އެފްއީ އޮޑިޓޯރިއަމްގައި ބޭއްވި މި ބައްދަލުވުމުގައި ފެކަލްޓީގެ ޑީން، މަރިޔަމް ފިޒާނާ ރަޝީދު ބައިވެރިވެވަޑައިގެންނެވިއެވެ.
މި ބައްދަލުވުމުގައި ފެސާއިން ކުރިއަށް ރާވާފައިވާ ކަންކަން ފާހަގަކޮށް އެކަމުގައި ދަރިވަރުންގެ އެހީއަށް ވަނީ އެދިފައެވެ.
މި ބައްދަލުވުމުގައި މި ހިނގާ 2019 ވަނަ އަހަރު ފެސާއިން މިހާތަނަށް ހިންގި ހަރަކާތްތަކުގައި އެންމެ ގިނައިން ބައިވެރިވެ ލީޑަޝިޕް ދައްކާފައިވާ 3 ދަރިވަރަކަށް ވަނީ އަގުވަޒަން ކުރުމުގެ ގޮތުން ލިޔުން ހަވާލުކޮށްފައެވެ. އެ ދަރިވަރުންނަކީ އެފްއީގެ ރަޝާ މުހައްމަދު، އައިމިނަތު ޝަހީދާ އަދި ދިމްޝާ ރިޒާއެވެ.
ކޮންމެ ސެމިސްޓަރ އެއްގައި ވެސް ފެސާއިން އެފްއީގެ ހުރިހާ ދަރިވަރުންނާ ބައްދަލުކުރެއެވެ. މި ބައްދަލުވުމަކީ ފެސާގެ އެކްސްކޯ މެމްބަރުންނާއި ދަރިވަރުންނާ ދެމެދު އޮންނަ ގުޅުން ބަދަހިކޮށް ފެސާގެ ހަރަކާތްތަކުގެ މައުލޫމާތު ދަރިވަރުންނާ ހިއްސާކުރުމަށް ބާއްވާ ބައްދަލުވުމެކެވެ.
