އެމްޑަބްލިއުއެސްސީ އެމްއެންޔޫއެސްޔޫ ފުޓްސަލް ފިއެސްޓާ 2019ގައި ބައިވެރިވި ފެކަލްޓީ އޮފް އެޑިއުކޭޝަންގެ ޓީމަށް ޖާރޒީ ހަވާލުކުރުމުގެ ރަސްމިއްޔާތު ބާއްވައިފިއެވެ.
ސެޕްޓެމްބަރު 11 ވަނަ ދުވަހު ފެކަލްޓީ އޮފް އެޑިއުކޭޝަންގައި ބޭއްވި މި ރަސްމިއްޔާތު ޝަރަފުވެރިކޮށްދެއްވީ ފެކަލްޓީ އޮފް އެޑިއުކޭޝަންގެ ޑީން، މަރިޔަމް ފިޒާނާ ރަޝީދުއެވެ. އޭގެ އިތުރުން އެމްއެންޔޫއެސްޔޫގެ ރައީސް، މުހައްމަދު ޝާން އާމިރާއި ނައިބު ރައީސް (އަމަލީ) ހަސަން ޝާހުގެ އިތުރުން އެމްއެންޔޫއެސްޔޫގެ ކުރީގެ ރައީސް އަދި ކައުންސިލް މެމްބަރ، އަލީ ރަޝީދު އަހުމަދު ވެސް ރަސްމިއްޔާތުގައި ބައިވެރިވެވަޑައިގެންނެވި އެވެ.
މި ރަސްމިއްޔާތުގައި ކުޅުންތެރިންނަށް ޖާރޒީ ހަވާލުކޮށްދެއްވީ ޑީން. މަރިޔަމް ފިޒާނާ ރަޝީދުއެވެ. އޮފިޝަލުންނަށް ޖާރޒީ ހަވާލުކޮށްދެއްވީ އެމްއެންޔޫއެސްޔޫގެ ރައީސް ޝާންގެ އިތުރުން ނައިބު ރައީސް (އަމަލީ) ޝާހުއެވެ. ކެޕްޓަނަށް ކެޕްޓަން ބޭންޑް ހަވާލުކޮށްދެއްވީ އަލީ ރަޝީދު އަހުމަދެވެ.
އެމްއެންޔޫއެސްޔޫ ފުޓްސަލް ފިއެސްޓާގައި ފެކަލްޓީ އޮފް އެޑިއުކޭޝަނުން މިފަހަރު ބައިވެރިވަނީ ސެންޓަރ ފޯރ ފައުންޑޭޝަން ސްޓަޑީޒްގެ ގޮފި، ތަރަހައާ ގުޅިގެންނެވެ. އެގޮތުން އެފްއީ އިން ފިރިހެން ޓީމެއް ނުނެރެ އެފްއީގެ ފިރިހެން ކުޅުންތެރިން ވަނީ ސީއެފްއެސް ޓީމުގައި ކުޅުމުގެ ފުރުސަތު ދީފައެވެ. އަދި ސީއެފްއެސްއިން އަންހެން ޓީމެއް ނުނެރެ، އެ ސެންޓަރުގެ އަންހެން ކުޅުންތެރިން އެފްއީގެ ޓީމަށް ކުޅުމުގެ ފުރުސަތު ވަނީ ދީފައެވެ.
މި މުބާރާތުގައި ފެކަލްޓީ އޮފް އެޑިއުކޭޝަން ކުޅޭ ފުރަތަމަ މެޗު އޮންނާނީ 12 ސެޕްޓެމްބަރުގައެވެ. ބައްދަލު ކުރާނީ ވިލާ ކޮލެޖާއެވެ.
ލިޔުނީ: އިބްރާހިމް އުމަރު،
މީޑިއާ ކޯރޑިނޭޓަރ، ފެސާ
