ލ. ގަމުގައި ހިންގާ އެމްއެންޔޫ ގަން ކެމްޕަހުގެ އެމްއެންޔޫއެސްޔޫގެ ގޮފި އަހުރައިން އިސްނަގައިގެން ފެށި “ ޓްރޭޝް ޗެލެންޖް“ ތިންވަނައަށް ފެސާއިން ފުރިހަމަ ކޮށްފިއެވެ.
”ޓްރޭޝް ޗެލެންޖް“ އަކީ ގަމު ކެމްޕަހުގެ ގޮފި، އަހުރައިން ދުނިޔޭގެ ތިމާވެށި ދުވަހާއި ދުނިޔޭގެ ކަނޑުތަކުގެ ދުވަސް ފާހަގަ ކުރުމަށް 8 ޖޫންގައި ފެށި ހަރަކާތެކެވެ.
ފެސާއަށް މި ޗެލެންޖް ކޮށްފައިވަނީ ދެވަނައަށް މި ޗެލެންޖް ފުރިހަމަކުރި ފެކަލްޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީޒްގެ ގޮފި، ސޮސައިޓީ ފޯރ ހޮސްޕިޓާލިޓީ އެންޑް ޓޫރިޒަމް ސްޓަޑީޒް (ޝެޓްސް)ގެ ފަރާތުންނެވެ.
މި ޗެލެންޖް ފުރިހަމަ ކުރުމުގެ ގޮތުން ފެސާއިން ވަނީ 22 ނޮވެމްބަރުގައި ވިލިމާލެ ބާރބެކިއު ސަރަހައްދު ސާފުކޮށްފައެވެ.
ދުނިޔޭގެ ކަނޑުގެ ދުވަހާއި ދުނިޔޭގެ ތިމާވެށި ދުވަހާ ގުޅުވައިގެން އަހުރައިން ފެށި މި ހަރަކާތުގެ މައިގަނޑު މަގުސަދަކީ އެމްއެންޔޫގެ ދަރިވަރުންގެ މެދުގައި ތިމާވެއްޓަށް އޮންނަ ލޯބި އިތުރު ކުރުމެވެ.
މި ޗެލެންޖް ހަމަޖެހިފައި އޮންނަ ގޮތުން ޗެލެންޖު ފުރިހަމަ ކުރުމަށްފަހު އެހެން ދެ ފެކަލްޓީ އަކަށް ޗެލެންޖު ކުރަން ޖެހެއެވެ. އެގޮތުން ފެސާއިން މި ޗެލެންޖު ކޮށްފައި ވަނީ އެމްއެންޔޫ ބިޒްނަސް ސްކޫލްގެ ގޮފި ބީއެސްއެސްއޭ އަށާއި ސެންޓަރ ފޯރ ފައުންޑޭޝަން ސްޓަޑީޒްގެ ގޮފި ތަރަހަ އަށެވެ.
ލިޔުނީ: އައިމިނަތު ހަމީޒާ
އަހުމަދު
ހަޒާންދާރު، ފެސާ
