އެފްއީ ”ފަންޓްރިޕް“: އަހަރުގެ ހަރަކާތްތައް ނިންމާލަން މިފަހަރު ވިލިމާލެއަށް!

ފެކަލްޓީ އޮފް އެޑިއުކޭޝަން ސްޓޫޑެންޓްސް އެސޯސިއޭޝަން (ފެސާ)އިން މިއަހަރަށް ރޭވި ހަރަކާތްތައް ނިންމާލުމަށާއި އިމްތިހާނުތަކުގެ ކުރިން ކުދިންގެ ”ސްޓްރެސް“ ފިލުވާލުމަށް ”އެފްއީ ފަންޓްރިޕް“ގެ ނަމުގައި ވިލިމާލެއަށް ދަތުރެއް ބާއްވައިފިއެވެ.

އަހަރުތަކެއްގެ މެދުކެނޑުމަކަށްފަހު އެފްއީ ފަންޓްރިޕް އަލުން ފަށާފައިވާއިރު މި އހަރުވެސް އެފްއީގެ ބައެއް ދަރިވަރުން ވަނީ މި ދަތުރުގައި ބައިވެރިވެފައެވެ.

ދަތުރުގެ ތެރެއިން ކުދިން ވަނީ އެކި ކުޅިވަރުތައް ކުޅެ މަޖާ މާހައުލެއްގައި އުފާވެރި ވަގުތުކޮޅެއް ހޭދަ ކޮށްފައެވެ.

މި ދަތުރުގެ މައިގަނޑު މަގުސަދަކީ ފަހު އިމްތިހާޏުތަކަށް ދަރިވަރުން ދިޔުމުގެ ކުރިން ދަރިވަރުން ބޯ ހަމަޖައްސާލައި އެކުގައި މަޖާ ކޮށްލުމެވެ.

ދަތުރުގެ ތެރެއިން ދަރިވަރުން ވަނީ އެމްއެންޔޫއެސްޔޫ ޓްރޭޝް ޗެލެންޖު ވެސް ފުރިހަމަ ކޮށްފައެވެ.

މިފަދަ ދަތުރެއް ރޭވުމުން އިމްތިހާނުގެ ކުރިން ކުދިންގެ ސްޓްރެސް ފިލައި މަޖާ ކޮށްލެވޭކަން ފެސާގެ ނައިބު ރައީސް (އަމަލީ) އާކިފާ ރަޝީދު ވަނީ ފާހަގަ ކުރައްވާފައެވެ.

ފެސާގެ އަމާޒަކީ ކުރިއަށް އޮތް ތަނުގައި މިއަށްވުރެ ފުޅާކޮށް ފަންޓްރިޕް ކުރިއަށް ގެންދިއުންކަންވެސް އާކިފާ ފާހަގަ ކުރެއްވިއެވެ.

ލިޔުނީ: އިބްރާހިމް އުމަރު
މީޑިއާ ކޯރޑިނޭޓަރ، ފެސާ