އެފް.އީ ދަރިވަރުންގެ ފަންޑްރައިސިންގް އިވެންޓް ތަކަކީ ވަރަށް ފޯރި ގަދަ ގޮތެއްގައި އާމުކޮށް ފެސާއިން ކުރިޔަށްގެންދާ އިވެންޓް ތަކެކެވެ. އަދި ޚާއްސަކޮށް ޔުނިވާސިޓީގެ ދަރިވަރުން ތިބެނީ އެފްއީގެ އިވެންޓްތަކަށް ކެތް މަދު ވެފައެވެ. މިކަން ފެސާގެ ފޭސްބުކް ޕޭޖް އެއްކަމަށް ވާ ”ފެސާ ސޯޝަލް އިވެންޓް“ ޕޭޖުން ފެންނަން ހުންނާނެއެވެ. ނަމަވެސް މިފަހަރު ދައްކަން މިއުޅެނީ އެވާހަކައެއް ނޫނެވެ. ފެސާ ބަދިގޭގެ ރަހަތައް ބޮޑު ޗެލެންޖަކަށް ބަދަލްކޮށްލާ މުޅި އެފް.އީ އަށް ހުޅުވާލިވާހަކައެވެ.
އެހެން ފަހަރު ތަކާ ޚިލާފަށް މި އަހަރު ފެސާ ބަދިގޭގެ ފަންޑްރައިޒިންގް އިވެންޓް ތައް ކުރިއަށް ގެންދިއުމަށް ހަމަޖެހިފައިވަނީ ބެޗް ތަކުގެ މެދުގައި ކުރިއަށް ގެންދެވޭ ޗެލެންޖެެއްގެ ގޮތުގައެވެ. އެގޮތުން އެންމެ ފުރަތަމަ މި ފަންޑް ރައިޒިންގް ޗެލެންޖް ކުރިޔަށް ގެންގޮސްފައި ވަނީ ފެސާގެ ލީޑާސް އާއި އަލަށް ގުޅުނު ދަރިވަރުންގެ ތެރެއިން އިސްލާމް/ޤްރުއާން-2020 ވަނަ ބެޗް ގައި ކިޔަވަމުންދާ ދަރިވަރުންނެވެ.
ޤައުމީޔުނީވާސިޓީގެ މެއިން ކެމްޕަސްގައި 03 މާރޗް ވީ އަންގާރަވަނަ ދުވަހު ކުރިޔަށް ގެންދިޔަ މި އިވެންޓްގައި ފެސާ ބަދިގެއިން ވަނީ ތަފާތު ގިނަ ރަހަތަކެތް ގެނެސްދީފައެވެ. މި ގޮތުން އެންމެ ބޮޑު ތަރުހީބެއް ލިބިފައި ވަނީ ”ފެސާގެ ލޮލީ“އަށެވެ. އަދި މި އިވެންޓްގައި ފާހަގަކޮށްލެވޭ އެންމެ ޚާއްސަކަމަކީ ޔުނިވާސިޓީގައި ކިޔަވައިދޭ ގިނަ އަދަދެއްގެ ލެކްޗަރާއިން މި އިވެންޓްގައި ބައިވެރިވުމެވެ. މީގެ އިތުރުން ޔުނިވާސިޓީގައި ކިޔަވާ ގިނަ އަދެއްގެ ދަރިވަރުންނަށް ވަނީ މި އިވެންޓްގެ ރަހަތަށް ވަރަށް ކަމުގޮސްފައެވެ.
ފެސާގެ ލީޑާސް ގްރޫޕުގެ ހަރަކާތްތަށް ދުވަހެއް ދުވަހަކަށް އިތުރުވަމުން ދާއިރު މި އިވެންޓަކީވެސް ވަރަށް ކާމިޔާބް ކަމާއެކީ ފެސާއިން ނިންމާލި އިވެންޓެކެވެ. އަދި ކުރިޔައް އޮތީ ފެސާ ބަދިގޭގެ ރަހަތަށް ތަޒުރިބާ ކޮށްލަން ބޭނުންވާ ފަރާތްތަކަށް މުޅިން ތަފާތު ރަހަތަކެކެވެ.
ލިޔުނީ: ޢަލީ ޢާރިފް
މީޑިއާ ކޯޑިނޭޓަރ, ފެސާ
