ފެސާއިން ފެކަލްޓީ އޮފް އެޑިއުކޭޝަން ގެ ޑީންއާ ބައްދަލުކޮށްފި

ފެސާއިން ފެކަލްޓީ އޮފް އެޑިއުކޭޝަން ގެ ޑީން އަލްފާޟިލާ މަރިޔަމް ފިޒާނާ ރަޝީދުއާ ބައްދަލު ކޮއްފިއެވެ.

ބުދަ ދުވަހު ކުރިއަށް ގެންދެވުނު މި ބައްދަލުވުން ކުރިޔަށް ގެންގޮސްފައިވަނީ މެންދުރުފަހު 15:30 ގައި އަމީނީ ބިލްޑިންގްގެ ޖަލްސާ ކުރާ މާލަމުގައެވެ. މިބައްދަލުވުމުގައި ފެސާގެ ރައީސާ ޙަލީމަތު އާކިފާ ރަޝީދު، ނައިބް ރައީސް އިލްމީ އާމިނަތު ޝަހީދާ މުޙައްމަދު، ނައިބް ރައީސް ޢަމަލީ އުޘްމާން ޝާމް، ޚަޒާންދާރު ދިމްޝާ ރިޟާ އަދި ސެކްރެޓަރީ ރަޝާ މުޙައްމަދު ވަނީ ބައިވެރިވެފައެވެ.

މިބައްދަލުވުމުގައި މައިގަނޑު ގޮތެއްގައި މަޝްވަރާކުރެވިފައިވަނީ  މިއަހަރުގައި ކުރިއަށް ގެންދިއުމަށް ހަމަޖައްސާފައިވާ ހަރަކާތްތަކުގެ އިތުރުން ފެކަލްޓީގައި ކިޔަވަމުންދާ ދަރިވަރުންނަށް ދިމާވާ ދަތިތަކަށް ހައްލު ހޯދުމަށް ކުރެވިދާނެ ކަންތައްތަކުގެ ވާހަކައެވެ. މިއަހަރު ބޭއްވޭ ހަރަކާތްތަކަކީ ދަރިވަރުން މަސައްކަތު މާހައުލަށް ނުކުމެ ބޭނުންހިފޭނެފަދަ ތަޖުރިބާތަކެއް ލިބިގެންދާނެ ހަރަކާތްތަކަކަށް ވާނެ ކަމަށް އުންމީދު ކުރައްވާ ކަމަށް ޑީން ވަނީ ހާމަކުރައްވާފައެވެ. ދަރިވަރުންނާއި ފެސާއާއި އަދި ލެކްޗަރާއިންނާ މެދު އޮންނަ ގުޅުން ބަދަހިކުރެއްވުމައްވެސްވަނީ ބާރުއަޅުއްވާފައެވެ.    

ދުރާލައި ކޮވިޑް19 ރައްކާތެރިވެލުމަށާއި އަދި  މިފަދަ ދުވަސްވަރެއްގައި ސާފުތާހިރުކަމައް ހުރިހާކުދިންވެސް ޙާއްސަ ސަމާލުކަމެއް ދިނުމަށްވެސް ޑީން ވަނީ ނަސޭހަތްތެރިވެލައްވާފައެވެ.

ލިޔުނީ: ޙަލީމަތު އާކިފާ ރަޝީދު
ރައީސާ، ފެސާ