ދިވެހި ރާއްޖޭގެ ގައުމީ ޔުނިވާސިޓީގެ ދަރިވަރުންގެ ޔޫނިއަން އިން އިންތިޒާމު ކޮށްގެން ކޮންމެ އަހަރަކު ބާއްވަމުން އަންނަ އިންޓަރ ފެކަލްޓީ ވޮލީބޯޅަ މުބާރާތުގެ ޗެމްޕިއަން ޓީމް އަށް ފެސާގެ ފަރާތުން ފެސާ ކަޕް ގެ ނަމުގައި ތައްޓެއްދީފިއެވެ. މި ތައްޓަކީ 2019 ވަނަ އަހަރުން ފެށިގެން މި މިމުބާރާތުގެ ދެ ޑިވިޝަންގެ ވެސް ޗެމްޕިއަން ދެ ޓީމަށް ފެކަލްޓީ އޮފް އެޑިއުކޭޝަންގެ ދަރިވަރުންގެ ފަރާތުން އަރުވާ ހަނދާނީ ތައްޓެކެވެ.
އެގޮތުން ފެސާ ކަޕް އެންމެ ފުރަތަމަ ފަހަރު ކާމިޔާބު ކޮށްފައިވާ ދެ ޓީމަކީ ފެކަލްޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީސް (ފިރިހެން) އާއި ބިޒްނަސް ސްކޫލް (އަންހެން) އެވެ. އަދި މި އަހަރު މި މުބާރާތުގެ ޗެމްޕިއަންކަން ހޯދައި ފެސާކަޕް ހޯދައިފައިވާ ދެ ޓީމް އަކީ ސެންޓަރ ފޮރ ފައުންޑޭޝަން ސްޓަޑިއީސް (ފިރިހެން) އަދި ސްކޫލް އޮފް ނާރސިންގް (އަންހެން) އެވެ.
މި ތަށި ދިނުމުގެ ބޭނުމަކީ މުބާރާތުގެ ވާދަވެރިކަމާއި ފޯރި އިތުރު ކުރުމުގެ އިތުރުން މުބާރާތަށް ތައްޔާރުވާން ދަރިވަރުން ކުރި މަސައްކަތާއި މުބާރާތުގައި ޓީމްތައް ހޯދި ކާމިޔާބީތައް ފާހަގަ ކުރުމެވެ. އަދި ދަރިވަރުންގެ ހިތްތަކުގައި އެހެންދަރިވަރުންނަށް ލިބޭ ކާމިޔާބީތައް ފާހަގަކޮށް އެކަމަށް މަރުހަބާކިއުމުގެ ރޫހު އާލާ ކުރުމުގެ ގޮތުންނެވެ.
ލިޔުނީ: އަލީ ޢާރިފް
މީޑިއާ ކޯޑިނޭޓަރ، ފެސާ
