ފެކަލްޓީ އޮފް އެޑިއުކޭޝަންގެ ދަރިވަރުންގެ އެސޯސިއޭޝަންގެ ފަރާތުން ފެކަލްޓީގެ ބެޗް ތަކުގެ ލީޑަރުންނާއިއެކު ބައްދަލުވުމެއް ބާއްވައިފިއެވެ. މި ބައްދަލުވުމުގައި ފެކަލްޓީ އޮފް އެޑިއުކޭޝަންގެ ހުރިހާ ބެޗް ތަކުގެ ލީޑަރުންނާއި ފެސާގެ ހިންގާ ކޮމެޓީގެ ހަ މެމްބަރުންނާއި އެމް.އެން.ޔޫ.އެސް.ޔޫ ގެ ކުރީގެ ރައީސް އަރުޝަދު އަޝްރަފުގެ އިތުރުން ފެކަލްޓީގެ ޑީން މަރިޔަމް ފިޒާނާ ރަޝީދް ވެސް ވަނީ ބައިވެރިވެ ވަޑައިގެންފައެވެ.
ގޫގްލް މީޓް މެދުވެރިކޮށް ކުރިއަށް ގެންދެވުނު މި ބައްދަވުން ފެށިގެން ގޮސްފައިވަނީ ހުރިހާ ބެޗް ލީޑަރުންނަށް މަރުހަބާ ކިޔުމުގެ ވާހަކަ ކޮޅަކުންނެވެ. މި ވާހަކަ ކޮޅު ދައްކަވައިފައިވަނީ ފެސާގެ ރައީސާ އާކިފާ ރަޝީދެވެ. އެއަށްފަހު ބައްދަލުވުމުގެ ބައިވެރިންގެ މެދުގައި އެކަކު އަނެކަކަށް ތައާރަފްވެ ދަސްކުރުމަށްޓަކައި ގޭމް އެއް ކުޅެވުނެވެ. އެއަށްފަހު ބައްދަލުވުމުގައި ބެޗް ތަކުގެ ފަރާތުން ލީޑަރުންނަށް ލިބިފައިވާ ޝަކުވާތަކާއި ޚިޔާލްތަށް ހިއްސާ ކުރެވުނެވެ. އަދި ދަރިވަރުންގެ ސުވާލު ތަކަށް ޑީން ވަނީ ޖަވާބު ދެއްވާފައެވެ.
ބައްދަލުވުމުގައި ޑީންގެ އިތުރުން އެމް.އެން.ޔޫ.އެސް.ޔޫ ގެ ކުރީގެ ރައީސް އަރުޝަދު އަޝްރަފް ވެސް ވަނީ ވާހަކަފުޅު ދައްކަވައިފައެވެ. އަރުޝަދުގެ ވާހަކަފުޅުގައި ފާހަގަ ކުރައްވާފައި ވާގޮތުން ދަރިވަރުންނަށް ޝަކުވާ އާއި ޚިޔާލު އެކަންކަމާ ބެހޭ ފަރާތްތަކަށް ހިއްސާކުރުމަށް މިހާ ފަސޭހަ ޕްލެޓޮފޯމް އެއް އޮތުމަކީ ދިމާވާ މައްސަލަތައް ހައްލު ކުރުމަށް އޮތް ވަރަށް ބޮޑު ފުރުސަތެކެވެ. އަދި ދަރިވަރުންގެ ޝަކުވާ ތަކުގެ އަޑު ގާތުން އައްސަވައި އެއަށް ފިޔަވަޅު އަޅުއްވަމުން ގެންދަވާ ކަމަށްޓަކައި ޑީން ފިޒާނާ މިސް އަށް ވަރަށް ޚާއްސަ ޝުކުރެއް ދެންނެވިއެވެ..
ލިޔުނީ: އަލީ އާރިފް
ފެސާ މީޑިއާ ކޯޑިނޭޓާރ
