ފެސާގެ ދެވަނަ މޫވީ ނައިޓް ކާމިޔާބު ކަމާއެކު ނިންމާލައިފިއެވެ.
މެއި 5 ވީ ހުކުރު ދުވަހުގެ ރޭ 20:00 ގައި އެފް.އީ އޮޑިޓޯރިއަމްގައި ބޭއްވިގެން ދިޔަ މޫވީ ނައިޓްގައި އަޅުވާފައިވަނީ ”ކޭސް 39“ އެވެ.
މޫވީ ނައިޓްގެ ޓިކެޓު 10 ރުފިޔާއަށް ވިއްކާފައިވާއިރު އޮންލައިންކޮށް ޓިކެޓު ގަތުމުގެ ފުރުސަތުވެސް އޮތީ ހުޅުވާލާފައެވެ.
ކުރިން ފަހަރެކޭވެސް އެއްފަދައިން މިފަހަރުވެސް ކެންޓީނުގެ ޚިދުމަތްތައް ވަނީ ފޯރުކޮށްދީފައެވެ. އެގޮތުން ސޮސެޖާއި، ޕޮޕްކޯންގެ އިތުރުން ކަޕްކޭކާއި ފެންވެސް ވަނީ ވިއްކާފައެވެ.
މިފަހަރު މޫވީ ނައިޓްގައި ވަނީ އައު ކަމެއް ތަޢާރަފްކޮށްފައެވެ. އެއީ ”އެގްޒިޓް ޓިކެޓް“ ނަމަކަށް ކިޔާ ފޯމެކެވެ. މި ފޯމަކީ، މުވީ ނައިޓްއާއި ބެހޭ ގޮތުން ދަރިވަރުން ދެކޭ ގޮތާއި، ދެން އަންނަ މޫވީ ނައިޓަކަށް ރަނގަޅުކުރަން ހުރި ކަންތައްތައް ދެނެގަތުމަށް ހަދައިފައިވާ ފޯމެކެވެ.
މި ހަރަކާތުގެ މަގްސަދަކީ ދަރިވަރުންނަށް ކިޔެވުމުގެ އިތުރުން މަޖާކޮށްލާ އެކުވެރިންނާއެކު ވަގުތުކޮޅެއް ހޭދަ ކޮށްލުމުގެ ފުރުސަތު ފަހިކޮށްދިނުމުގެ އިތުރުން ފެސާއިން ކުރިޔަށް ރާވާފައި ހުރި ހަރަކާތްތަކަށް ބަޖެޓު ހޯދުމަށް ކުރިއަށް ގެންދެވުނު ހަރަކާތެކެވެ.
ފެސާއިން ވަނީ އިތުރު މޫވީ ނައިޓްތަކާއި ފަންޑްރެއިސިންގ ހަރަކާތްތައް ކުރިއަށް ގެންދަން ނިންމާފައެވެ.
