ފެކަލްޓީ އޮފް އެޑިއުކޭޝަން ސްޓޫޑެންޓް އެސޯސިއޭޝަން އިން ސިލްސިލާ ގޮތެއްގައި ބާއްވަމުން އަންނަ ހަވާސް ޝޯވ މި އަހަރުވެސް ބޭއްވުމަށް ނިންމައިފިއެވެ.
މި އަހަރުގެ ހަވާސް ޝޯވ ބޭއްވުމަށް ހަމަޖެހިފައިވަނީ ސެޕްޓެންބަރު 15 ވާ ހުކުރު ދުވަހުގެ ރޭ ސެންޓްރަލް އޮޑިޓޯރިއަމްގައެވެ. މި އަހަރުގެ ”ތީމް“އަކަށް ހަމަޖެހިފައިވަނީ ”އަރޭބިއަން ނައިޓްސް“ އެވެ.
ހަވާސް ޝޯވ ގައި ބައިވެރިވުމުގެ ފުރުޞަތު އެމް.އެން.ޔޫ.އެސް.ޔޫގެ ހުރިހާ ގޮފިތަކަށް ވަނީ ހުޅުވާލާފައެވެ. މިގޮތުން ކޮންމެ ގޮތްޕަކުންވެސް ގިނަވެގެން ހުށަހެޅޭނީ ތިން އައިޓަމެވެ. އައިޓަމްތަކުގެ ތެރޭގައި ޑްރާމާ، ލަވަ ނުވަތަ ނެށުމުގެ ހަރަކާތެއް ހުށަހެޅުމުގެ ފުރުޞަތު އޮންނާނެއެވެ. ކޮންމެ އައިޓަމަކަށްވެސް ކަނޑައެޅިފައިވަނީ ގިނަވެގެން 10 މިނެޓެވެ.
ހަވާސް ޝޯވ އަކީ އަބަދުވެސް ވަރަށް މަޖާ އަދި ފޯރިގަދަ ހަރަކާތެއްގެ ގޮތުގައި ފާހަގަވެގެންދާ ހަރަކާތެކެވެ. ފެސާގެ އުއްމީދަކީ މިއަހަރުގެ ހަވާސް ޝޯވ އަކީވެސް ވަރަށް ތަފާތު އަދި ފޯރިގަދަ ހަރަކާތަކަށް ވެގެން ދިޔުމެވެ.