ފެކަލްޓީ އޮފް އެޑިއުކޭޝަން ސްޓޫޑެންޓް އެސޯސިއޭޝަން (ފެސާ)ގެ ތިންވަނަ މޫވީ ނައިޓް އޮގަސްޓް 19 ވާ ހޮނިހިރު ދުވަހުގެ ރޭ ބޭއްވުމަށް ނިންމައިފިއެވެ.
މިފަހަރު މޫވީ ނައިޓްގައި އެޅުވުމަށް ހަމަޖެހިފައިވާ ފިލްމަކީ ”ދަ ލިޓްލް މާރމެއިޑް 2023″ އެވެ. މޫވީ ނައިޓްގެ ޓިކެޓުތައް ވިއްކަމުންދާނީ 10/- އަށެވެ. އެހެން ފަހަރުތަކޭ އެއްފަދައިން މިފަހަރުވެސް ޓިކެޓު ވިއްކުމުގެ ކަންތައް އޮންލައިންކޮށް ކުރިޔަށް ގެންދެވޭނެއެވެ. އޮންލައިންކޮށް ޓިކެޓު ބައްލަވައިގަތުމަށް 9514443 އަށް ވައިބަރ ނުވަތަ ޓެލެގްރާމް އިން މެސެޖުކޮށްލެއްވުމުން ޓިކެޓު ލިބިވަޑައިގަންނަވާނެއެވެ.
ކެންޓީނުގެ ހިދުމަތް މިފަހަރުވެސް އެންމެހާ ބޭފުޅުންނަށް ލިބިވަޑައިގަންނަވާނެއެވެ. އެގޮތުން ޕޮޕްކޯނާއި ސޮސެޖު، ކަޕްކޭކް އަދި ފެން ލިބެން ހުންނާނެއެވެ.
މި ހަރަކާތުގެ މަގްސަދަކީ ދަރިވަރުންނަށް ކިޔެވުމުގެ އިތުރުން މަޖާކޮށް އަދި އެކުވެރިންނާއެކު ވަގުތުކޮޅެއް ހޭދަ ކޮށްލުމުގެ ފުރުސަތު ފަހިކޮށްދިނުމުގެ އިތުރުން ފެސާއިން ކުރިޔަށް ރާވާފައި ހުރި ހަރަކާތްތަކަށް ބަޖެޓު ހޯދުމެވެ.
ފެސާއިން މިއަހަރު ބޭއްވި ދެ މޫވީ ނައިޓްވެސް ވަނީ ވަރަށް ކާމިޔާބުކަމާއެކު ނިންމާލައިފައެވެ. އުއްމީދަކީ، މި ފަހަރުގެ މޫވީ ނައިޓްވެސް ކާމިޔާބުކަމާއިއެކު ނިމުމެވެ.