ފެކަލްޓީ އެފް އެޑިއުކޭޝަން (އެފް.އީ) އަށް އަލަށް ގުޅުނު ދަރިވަރުންނަށް ޚާއްސަކޮށް ”ފެސާ ގޭމް ނައިޓް 2023“ ބާއްވައިފއެވެ.
ގޭމް ނައިޓް ބާއްވާފައިވަނި އޮގަސްޓް 24 ވީ ބުރާސްފަތި ދުވަހުގެ ރޭ އެފް.އީ ޕީ.އީ ހޯލްގައެވެ.
އިވެންޓް ފެށިގެން ދިޔައީ ފެސާގެ ހިންގާ ކޮމިޓީގެ ކުޑަ ތަޢާރަފްވުމަކަށް ފަހުގައެވެ. ފެސާގެ ރައީސް ވަނީ އަލަށް ގުޅުނު ދަރިވަރުންނަށް މަރުޙަބާ ދަންނަވާފައެވެ. އެއަށްފަހު އެމް.އެން.ޔޫ.އެސް.ޔޫ ގެ ހިންގާ ކޮމިޓީގެ ބައެއް މެމްބަރުން ވާހަކަ ދެއްކެވިއެވެ. ފެސާގެ ކުރީގެ ހިންގާ ކޮމިޓީގެ ބައެއް މެމްބަރުންވެސް ވަނީ މި ހަރަކާތުގައި ބައިވެރިވެފައެވެ. އިވެންޓް ނިމިގެން ދިޔައީ އެމް.އެން.ޔޫ.އެސް.ޔޫ ބޮޑުބެރު ގްރޫޕުގެ ފޯރިގަދަ އައިޓަމްތަކަކަށް ފަހުގައެވެ.
ގޭމް ނައިޓް ތެރޭގައި ވަނީ ފެސާ ލީޑާރސް ގްރޫޕަށް ގުޅެން ބޭނުންވާ ކުދިންގެ ނަން ނޯޓު ކުރެވިފައެވެ.
މި ހަރަކާތުގެ މަގްސަދަކީ އަލަށް ގުޅުނު ދަރިވަރުންނަށް އުފާވެރި މާހައުލެއްގައި އައު ކުދިންނާއި، ކުރީގެ ލީޑަރުންނާއި ގުޅުން ބަދަހިކޮށް، މަޖާކޮށްލާ އެކުވެރިކަން އާލާކުރުމުގެ ފުރުސަތު ދިނުމެވެ.
ފެސާއިން މިދިޔަ ސެމިސްޓަރ ގައި ވަނީ ”ފެސާ ވެލްކަމް ނައިޓް“ ގެ ނަމުގައި ވެލްކަމް ނައިޓެއް ބާއްވާފައެވެ.
