ފެކަލްޓީ އޮފް އެޑިއުކޭޝަން އަށް އަލަށް ގުޅުނު ދަރިވަރުންނަށް އޮރިއެންޓޭޝަން ބާއްވައިފި!

2024 ވަނަ އަހަރުގެ ދެވަނަ ޓާރމުގައި ފެކަލްޓީ އޮފް އެޑިއުކޭޝަން (އެފް.އީ) އަށް އަލަށް ގުޅުނު ދަރިވަރުންނަށް އޮރިއެންޓޭޝަން ބާއްވައިފިއެވެ.

އޮގަސްޓު 15 ވަނަ ދުވަހު އެފް.އީ އޮޑިޓޯރިއަމްގައި ބޭއްވި މި އޮރިއެންޓޭޝަންގައި ގާތްގަނޑަކަށް 50 ވަރަކަށް ދަރިވަރުން ބައިވެރިވެފައިވެއެވެ. ކީރިތި ޤުރުއާނުގެ ބަރަކާތުން މި ރަސްމިއްޔާތު ފައްޓަވައި ދެޢްވީ ( ބެޗެލާ އޮފް ޓީޗިން ޕްރައިމަރީ އިސްލާމް/ގުރުއާން ޖޫން 2022 ގެ ބެޗް)ގެ ދަރިވަރު ހީނާ ވަލީދެވެ.
އޮރިއެންޓޭޝަން ތައާރަފް ކޮށްދެއްވީ އެފް.އީގެ ލެކްޗަރަރ ރިޔާޒް ސަރ އެވެ.

އެއަށްފަހު ފެކަލްޓީގެ ޑީން ނާދިޔާ މިސް ދަރިވަރުންނަށް މުޚާތަބު ކުރެއްވިއެވެ. ޑީންގެ ވާހަކަ ފުޅުގައި ކިޔެވުމެކޭ އެއްފަދައިން އެމް.އެން.ޔޫ.އެސް.ޔޫއިން ހިންގާ ހަރަކާތްތަކުގައި ބައިވެރިވެ އިތުރު ހުނަރުތައް ކުރިއެރުވުމަށް ވަނީ އިލްތިމާސްކޮށްފައެވެ.

އަދި އެފް.އީގެ ލެކްޗަރާ ހާޝިމް ސަރ ދަރިވަރުންނާ މުޚާތަބު ކުރެއްވިއެވެ. ލެކްޗަރާގެ ވާހަކަފުޅުގައި ޔުނިވަރސިޓީގެ މުހިއްމު ގަވާއިދު ތަކަކަށް އަލި އަޅުވާލައްވައި އެ ގަވާއިދު ތަކަކަށް ހުރުމަތްތެރިކޮށް ހިތުމުގެ މުހިއްމުކަން ވަނީ ދަރިވަރުންނަށް ހަނދާން ކޮއްދެއްވާފައެވެ.

ލެކްޗަރަރގެ ވާހަކަތަކަށް ފަހު ފެކަލްޓީ އޮފް އެޑިއުކޭޝަން ސްޓޫޑެންޓް އެސޯސިއޭޝަން (ފެސާ) ގެ ނައިބު ރައީސާ (އިލްމީ) ފާތިމަތު އަހުލަމް އަދި ފެސާގެ ނައިބު ރައީސާ (އިތުރު ހަރަކާތް) މައީޝާ ހާތިމްވެސް ވަނީ ފެސާއާ ބެހޭމަޢުލޫމާތު ދަރިވަރުންނާ ޙިއްސާކޮށްފައެވެ. އޭގެތެރޭގައި ނިމިގެން ދިޔަ ސެމިސްޓަރގައި ފެސާއިން ރާވާ ހިންގި ހަރަކާތްތަކާއި، ބައިވެރިވި ހަރަކާތްތަކުގެ އިތުރުން ލިބުނު ކާމިޔާބީތައް ވެސް ފާހަގަކޮށްފައިވެއެވެ. މީގެ އިތުރުން މި ފެށޭ ސެމިސްޓަރއަށް ރާވާފައިވާ ބައެއް ހަރަކާތްތަކާއި ގުޅޭ މައުލޫމަުތައް ވެސް ވަނީ ހިއްސާކޮށްފައެވެ.

އޮރިއެންޓޭޝަން ސެޝަން ނިމިގެންދިޔައީ ކެމްޕަހުގެ ކުޑަ ޓުއަރއަކަށް ފަހުގައެވެ.