ފެސާ އާ އިސްވާރުންގެ ދަތުރު: މަޖާ، ކާމިޔާބު ދަތުރެއް!

ފެކަލްޓީ އޮފް އެޑިއުކޭޝަން ސްޓޫޑެންޓް އެސޯސިއޭޝަން (ފެސާ) އަށް އަލަށް ގުޅުނު ދަރިވަރުންނަށް އަމާޒުކޮށްގެން ބޭއްވި”ނިއު ލީޑާރސް ޓްރިޕް“ ކާމިޔާބު ކަމާއެކު ނިންމާލައިފިއެވެ.

24 އޮގަސްޓު ވީ ހޮނިހިރު ދުވަހުގެ ހެނދުނު، މާލެ އަތޮޅު ވިލިގިއްޔަށް ދިޔަ މި ދަތުރުގެ މައިގަނޑު މަގްސަދަކީ އަލަށް ގުޅުނު އިސްވާރުންނާއި ފެސާގައި ކުރިންވެސް ހަރަކާތްތެރި ވަމުން އަންނަ އިސްވާރުންގެ ދެމެދު ގުޅުން ބަދަހި ކުރުމާއި ހުރިހާ ދަރިވަރުންވެސް މަޖާކޮށްލުމެވެ.

ހެނދުނުގެ ސަޔަށްފަހު އެކި ކަހަލަ މަޖާ ކުޅިވަރުތައް ކުޅެވިގެންދިޔަ މިހަރަކާތުގައި ލަވަ ބާޒީ، ޓްރޫތް އޯ ޑެއަރ، ވޮލީ އަދި ތަފާތުއެކި ކުޅިވަރުތައް ކުޅެވުނެވެ. 25 އަށް ވުރެ ގިނަ ދަރިވަރުން ބައިވެރިވި، މި ދަތުރު ކާމިޔާބުކަމާއެކު ނިންމާލީ ހުރިހާ ބައިވެރިން އެކުގައި ނެގި ހަނދާނީ ފޮޓޯ އަކުންނެވެ.

މި ދަތުރުން ހާސިލު ކުރަން ބޭނުންވާ ލަނޑުދަނޑި ވަރަށް ފުރިހަމައަށް ހާސިލު ވިކަން ދަތުރަށް ފަހު ބައިވެރިގެން ގެ ޝުޢޫރުތަކުން އެނގިގެންދިޔައެވެ.

ފެސާގެ އުއްމީދަކީ ކުރިޔަށް ރޭވިފައި ހުރި ހަރަކާތްތަކުގައި އަލަށް ގުޅުނު އިސްވާރުން ފެނިގެން ދިޔުމެވެ.