ފެސާއިން މިއަހަރުގެ ދެވަނަ ޓަރމުގެ ފުރަތަމަ އިސްވާރުންގެ ބައްދަލުވުން ބާއްވައިފި !

ފެކަލްޓީ އޮފް އެޑިއުކޭޝަން ސްޓޫޑެންޓް އެސޯސިއޭޝަން (ފެސާ)އިން މިއަހަރުގެ ދެވަނަ ޓަރމުގެ ފުރަތަމަ އިސްވާރުންގެ ބައްދަލުވުން ބާއްވައިފައެވެ.

26 އޮގަސްޓު ވީ ހޯމަ ދުވަހުގެ ރޭ 20:30ގައި ކުރިއަށްދިޔަ މި ބައްދަލުވުމުގައި ފެސާގެ ހިންގާ ކޮމެޓީގެ މެމްބަރުންގެ އިތުރުން  ގިނަ ދަރިވަރުން ވަނީ ބައިވެރިވެފައެވެ. މިބައްދަލުވުމުގައި ހާއްސަ ނަމްބަރެއްގެ ގޮތުން ފެސާގެ ހިންގާކޮމެޓީއަށް އަލަށް އިންތިހާބުވި 2 މެމްބަރުން ކަމުގައިވާ ޔޫސުފް ޝައިހާން(ޓްރެޝަރާރ) އަދި މައީޝާ ހާތިމް(ނައިބު ރައީސް އިތުރު ހަރަކާތް)ވަނީ ތައާރަފް ވެފައެވެ.

އަދި ހަމައެހެންމެ ރާއްޖޭގެ ގައުމީ ޔުނިވާސިޓީ ސްޓޫޑެންޓް ޔޫނިއަން (އެމް.އެން.ޔޫ.އެސް.ޔޫ) އާއި ފެސާގެ ކުރިއަށް ރާވާފައިވާ އިވެންޓްތަކުގެ އަދާހަމަ ވަނީ އިސްވާރުންނަށް ހިއްސާކުރެވިފައެވެ.
އަދި މި ހަރަކާތްތަކަށް ތައްޔާރު ވުމުގެ ގޮތުން ކުރަން ޖެހޭ ކަންތައްތަކާ ގުޅޭގޮތުން ވަނީ މަޝްވަރާ ކުރެވިފައިވެއެވެ.

މި ބައްދަލުވުމުގެ މައިގަނޑު މަޤްޞަދަކީ ކުރިއަށް ރޭވިފައިވާ ހަރަކާތްތަކުގެ މައުލޫމާތު ފޯރުކޮށްދިނުމާއި، އިސްވާރުންނާއި މަޝްވަރާކޮށް ހިޔާލު ހޯދުމެވެ.
ފެސާގެ ރައީސް އަހުމަދު އީމާން ވަނީ ފެސާ ގެ ހަރަކާތްތައް ހިންގުމަށް އިސްވާރުންގެ ފަރާތުން ލިބޭ އެއްބާރުލުން ފާހަގަ ކޮށް އެކަމަށް ޝުކުރު އަދާކޮށްފައެވެ.
ފެސާގެ އުންމީދަކީ މިހާރެކޭ އެއްގޮތަށް ކުރިއަށް އޮތް ތަނުގައި ވެސް އިސްވާރުންގެ ފުރިހަމަ އެއްބާރުލުން ލިބިގެން ދިޔުމެވެ.