ފެކަލްޓީ އޮފް އެޑިއުކޭޝަން ސްޓޫޑެންޓްސް އެސޯސިއޭޝަން (ފެސާ) އިން މުޅިން އަލަށް ބޭއްވި ”ފެސާ ޓްރިވިއާ ނައޓް 24“ ވަރަށް ކާމިޔާބު ކަމާއެކު ނިންމާލައިފިެވެ.
މި ހަރަކާތް ބާއްވާފައިވަނީ 29 ސެޕްޓެމްބަރު ވީ ހުކުރުދުވަހު ދ ރޭ ސީ.އޭ އޮޑިޓޯރިއަމްގައެވެ.
މި ޗެލެންޖުގައި މުޅިއެކު 3 ރައުންޑެއް ކުރިއަށް ގެންގޮސްފައިވާއިރު ،ކޮންމެ ރައުންޑުގައިވެސް ސުވާލު ފެނުމާއެކު އެންމެ އަވަހަށް ބަޒް ކުރާ ބައިވެރިއަކަށް ޖަވާބު ދިނުމުގެ ފުރުސަތު އެރުވިގެން ދެއެވެ.މަޖާ ،ތަފާތު އެކި ކަހަލަ ސުވާލު ތައް ވަނީ 3 ރައުންޑުގައިވެސް ހިމާނާލާފައެވެ.
އެންމެ ގިނަ ސުވާލުގެ ރަނގު ޖަވާބު ދިމާކޮށް މި ނައިޓުގެ އެއްވަނަ ހޯދައިފައިވަނީ އެފް.އޭގެ ދަރިވަރު ހިޒިޔަމް ހާމިދުއެވެ. ދެވަނަ އަދި ތިން ވަނަ ހޯދައިފައިވަނީ ،އެފް.އީގެ ދަރިވަރު އިބާ އަހުމަދު ،އަދި މާހިލް އެވެ.
މި މުބާރާތަކީ އެމް.އެން.ޔޫގައި ތައުލީމް ހާސިލްކުރަމުންދާ ދަރިވަރުންގެ މެދުގައި އެކުވެރިކަން ބަދަހިކުރުމަށާއި، މައުލޫމާތު މުއްސަނދި ކުރުމާއި، ތަފާތު އެކި ކަހަލަ މައުލޫމާތު ހޯދުމަށް ދަރިވަރުން ޝައުގުވެރި ކުރުމުގެ މަޤްޞަދުގައި ފެސާއިން އިންތިޒާމުކޮށްގެން ބޭއްވި މުބާރާތެކެވެ.
ކުރިއަށް އޮތް ތަނުގައި މިފަދަ ގިނަ ހަރަކާތްތަކެއް ބޭއްވުމަށް ފެސާއިން ވަނީ ރާވާފައެވެ.
