ފެކަލްޓީ އޮފް އެޑިއުކޭޝަން ސްޓޫޑެންޓްސް އެސޯސިއޭޝަން (ފެސާ) އިން މިޑް-ޓާމް ބްރޭކާއި ދިމާކޮށް ”ކެޕްޗަރ ދަ ޕައުސް “ ގެ ނަމުގައި ފޮޓޯ ޗެލެންޖް އެއް ބާއްވަން ނިންމައިފިއެވެ.
މި ހަރަކާތް ބޭއްވުމަށް ހަމަޖެހިފައިވަނީ ސެޕްޓެމްބަރު 28 އުން އޮކްޓޯބަރު 5 އަކަށެވެ.
މިޗެލެންޖުގައި ބައިވެރިވުމުގެ ފުރުސަތު މިހާރު ހުޅުވާލައިފައިވާއިރު، އެމް.އެން.ޔޫ ގެ ކޮންމެ ދަރިވަރަކަށް ވެސް ބައިވެރިވުމުގެ ފުރުސަތުވަނީ ހުލުވާލައިފައެވެ.
މި ޗެލެންޖް އަކީ އެމް.އެން.ޔޫ ގައި ތައުލީމް ހާސިލްކުރަމުންދާ ދަރިވަރުންގެ ތެރެއިން ފޮޓޯ ނެގުމަށް ޝައުގުވެރިވާ ދަރިވަރުންނަށް ،އެދަރިވަރުންގެ އުފެްދުން ތެރިކަން ދައްކާލުމުގެ ފުރުސަތު ފަހިކޮށްދިނުމާއި މިޑް-ޓާމް ބްރޭކުގައި ކިޔެވުމުގެ އިތުރަށް ހަމަ ޖެހިލާ ތަފާތު ހިޔާލުތައް ހިއްސާ ކުރުމުގެ މަގުސަދަގައި ބޭއްވިގެން ދާ ފޮޓޯ ޗެލެންޖް އެކެވެ.
މި ފޮޓޯ ޗެލެންޖް ގައި އެންމެ މޮޅު 3 ފޮޓޯ ހޮވިގެން ދާއިރު، ވަނަތައް ހޮވޭނީ ފެސާ ފޭސްބުކް ޕޭޖަށް ފޮޓޯތައް ޕޯސްޓް ކުރުމަށް ފަހު އެންމެ ގިނަ ރިއެކްޓް ލިބޭ ފޮޓޯ ތައް ބެލުމަށް ފަހުގައެވެ.
ފެސާގެ އުއްމީދަކީ ވީހާވެސް ގިނަ ކުދިން މި ޗެލެންޖްގައި ބައިވެރިވެ، މި ޗެލެންޖް މަޖާ އަދި ފޯރިގަދަ ވެގެން ދިޔުމަށެވެ.
