ފެކަލްޓީ އޮފް ހޮސްޕިޓަލިޓީ އެންޑް ޓުއަރިޒަމް އާއި ފެކަލްޓީ އޮފް ހެލްތް ސައިންސްގެ ވެލްކަމް ނައިޓް ހުކުރު ދުވަހުގެ ރޭ ބޭއްވުމަށް ނިންމައިފިއެވެ. މި ޙަރަކާތް އޮންނާނީ އެރޭގެ 19:45ގައި އެފް.އެޗް.އެސް ހޯލްގައެވެ.
އެފް.އެޗް.ޓީ.އެސްގެ ގޮފި ޝެޓްސްއާއި އެފް.އެޗް.އެސްގެ ގޮފި ހީލާސް އިން އިސްނަގައިގެން ދެ ފެކަލްޓީގެ އަލަށް ގުޅުނު ދަރިވަރުންނަށް ބާއްވާ މި ޙަރަކާތަކީ ދަރިވަރުން އެއްބައިވަންތަ ކުރުވުމަށާއި، ޔުނިވަރސިޓީގެ މާހަޢުލުގައި އެކުވެރިންތަކެއް އުފެއްދުމުގެ މަޤްސަދުގައި ބާއްވާ ޙަރަކާތެކެވެ. މި ޙަރަކާތުގައި ދަރިވަރުންގެ ގުޅުން ބަދަހިވާނެ މަޖާ ގޭމްސްތަކެއް ކުރިއަށް ގެންދިއުމަށް ވަނީ ރޭވިފައެވެ.
މީގެ ކުރިން މި ޙަރަކާތް ބާއްވަނީ ކޮންމެ ފެކަލްޓީއެއް ވަކިންނެވެ. ނަމަވެސް މި އަހަރު ތަފާތު ކޮށްލުމުގެ ގޮތުން ދެ ގޮފިން ގުޅިގެން މި ޙަރަކާތް ބާއްވާ ގޮތަށް ވަނީ ހަމަޖައްސާފައެވެ. އެފް.އެޗް.އެސް އަދި އެފް.އެޗް.ޓީ.އެސްއަށް އަލަށް ގުޅުނު ކޮންމެ ދަރިވަރަކަށް މި ޙަރަކާތުގައި ބައިވެރިވުމުގެ ފުރުސަތު އޮންނާނެއެވެ.
އެފް.އެޗް.އެސް ބިލްޑިންގ ގެ ލޮކޭޝަން ތިރީގައި އެވަނީއެވެ.
Faculty of Health Sciences (The Maldives National University)
Find local businesses, view maps and get driving directions in Google Maps.
