”ފްރެޝާރސް ނައިޓް“ ބުރާސްފަތި ދުވަހުގެ ރޭ ބާއްވަނީ!

ފެކަލްޓީ އޮފް އާރޓްސް (އެފް.އޭ)، ފެކަލްޓީ އޮފް ހެލްތް ސައިންސަސް (އެފް.އެޗް.އެސް) އަދި ސްކޫލް އޮފް ނާރސިން (އެސް.އެން)އަށް 2024 ވަނަ އަހަރުގެ ދެވަނަ ޓަރމަށް އަލަށް ގުޅުނު ދަރިވަރުންނަށް ހާއްސަކޮށްގެން ބާއްވާ ”ފްރެޝާރސް ނައިޓް“ މި އަންނަ ބުރާސްފަތި ދުވަހުގެ ރޭ ބޭއްވުމަށް ހަމަޖެހިއްޖެއެވެ.

އެފް.އޭގެ ގޮފި ސްޓޫޑެންޓްސް އިނީޝިއޭޓިވް އޮފް އާރޓްސް (ސިއާ)، އެފް.އެޗް.އެސްގެ ގޮފި ހީލާރސް އަދި އެސް.އެންގެ ގޮފި ނިއަރެސް ގުޅިގެން ބާއްވާ މި ހަރަކާތް އޮންނާނީ ސެޕްޓެމްބަރ 29 ވާ ބުރާސްފަތި ދުވަހުގެ ރޭ 20:30ގައި، އެފް.އެޗް.އެސް/އެސް.އެން ކޮންފަރެންސް ހޯލްގައެވެ.

މި ތިން ގޮފި ގުޅިގެން މި ބާއްވާ ”ފްރެޝާރސް ނައިޓް“ގައި، ގޮފިތަކުގެ ހިންގާ ކޮމިޓީގެ މެމްބަރުންނާއި އިސްވާރުން ތަޢާރަފްކޮށްދިނުން އޮންނާނެއެވެ. އަދި ތަފާތު ގިނަ ކުޅިވަރުތަކާއެކު އެހެނިހެން ހަރަކާތްތައް ކުރިއަށް ގެންދިއުމަށްވެސް ވަނީ ހަމަޖެހިފައެވެ. މި އިވެންޓްގެ މަޤްސަދަކީ މި ހަރަކާތްތަކުގެ އެހީގައި ގޮފިތަކުގެ މެމްބަރުންނާއި، ގޮފިތަކުގެ އިސްވާރުންނާއި އަދި ދަރިވަރުންގެ މެދުގައި ގުޅުން ބަދަހިކޮށް އެކުވެރިކަން އާލާކުރުމެވެ.

ދެވަނަ ޓަރމުގެ ފެށުން ސިއާ، ހީލަރސް އަދި ނިއަރެސްއިން ”ފްރެޝަރސް ނައިޓް“އިން ފަށާއިރު މި ތިން ގޮފީގެ އަމާޒަކީ ކާމިޔާބުކަމާއެކު މި އިވެންޓް ކުރިއަށް ގެންގޮސް ނިންމާލުމެވެ.