ދިވެހިރާއްޖޭގެ ޤައުމީ ޔުނިވަރސިޓީ ގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) އާއި، މި ޖަމްއިއްޔާގެ ގޮތްޕެއް ކަމައްވާ، ސޮސައިޓީ ފޯ ހޮސްޕިޓަލިޓީ އެންޑް ޓޫރިޒަމް ސްޓަޑީޒް (ޝެޓްސް) އަދި ކެރަމް އެސޯސިއޭޝަން އޮފް މޯލްޑިވްސް (ސީއޭއެމް) ގުޅިގެން ބޭއްވި އެމް.އެން.ޔޫ.އެސް.ޔޫ ޝެޓްސް ކެރަމް މުބާރާތް 2019، 22 މެއި ވީ ބުދަ ދުވަހު ނިމިއްޖެއެވެ.
މި މުބާރާތަކީ އެމް އެން ޔޫ އެސް ޔޫގެ ޙަޔާތުގައި ބޭއްވުނު އެންމެ ފުރަތަމަ ކެރަމް މުބާރާތެވެ.
މި މުބާރާތް ކުރިއަށް ގެންގޮސްފައިވަނީ މެންސް ޑަބަލްސް، ވިމެންސް ޑަބަލްސް، މެންސް ސިންގަލްސް އަދި ވިމެންސް ސިންގަލްސް، މި 4 ޑިވިޜަން އަށް ބަހާލައިގެންނެވެ. އެ ގޮތުން މެންސް ޑަބަލްސް ޑިވިޜަނުން 3 ވަނަ އަށް ގޮސްފައިވަނީ ހުސެއިން ޒައިދު އަދި އަޙްމަދު އިޔާޒްއެވެ. 2 ވަނަ އަށް ގޮސްފައިވަނީ ޝުއައިދް ޔޫނުސް އަދި އަޙްމަދު އަޒާން މުޙައްމަދެވެ. މި ޑިވިޜަންގެ ފަޚުރުވެރި 1 ވަނަ ހޯދާފައިވަނީ އިބްރާހިމް ފައިޒަރު އަދި އިސްމާޢިލް ނަސީރެވެ.
ވިމެންސް ޑަބަލްސް ޑިވިޜަނުން 3 ވަނަ އަށް ގޮސްފައިވަނީ އައިޝަތު ދަހާއު ނަސްރުﷲ އަދި ފާތިމަތު ޝިފްނާއެވެ. 2 ވަނަ އަށް ގޮސްފައިވަނީ ސަފާނާ ހަސަން އަދި ޙަލީމަތު ނަޒްމާއެވެ. މި ޑިވިޜަންގެ ފަޚުރުވެރި 1 ވަނަ ހޯދާފައިވަނީ އާލާއު ޢަބްދުލް ސައްތާރު އަދި ރިފްޤާ އަބްދުﷲ ފިރާޤްއެވެ.
މެންސް ސިންގަލްސް ޑިވިޜަނުން 1 ވަނަ އަށް ގޮސްފައިވަނީ އިބްރާހިމް ފައިޒަރުއެވެ. މި ޑިވިޟަނުގެ 1 ވަނަ ފައިޒަރު ހޯދައިފައިވަނީ ފައިނަލް މެޗުން އިސްމާޢިލް ނަސީރު 25 – 10 އަކުން ބަލިކޮށްގެންނެވެ. މި ޑިވިޜަނުގެ 3 ވަނަ ހޯދާފައި ވަނީ އަޙްމަދު އިޔާޒްއެވެ.
ވިމެންސް ސިންގަލްސް ޑިވިޜަނުން އެއްވެސް މެޗަކުން ބަލިނުވެ، ފައިނަލަށް ގޮސް، ފައިނަލުން 25 – 0 ކުން މޮޅުވެ، މި ޑިވިޜަނުގެ 1 ވަނަ ހޯދާފައިވަނީ އާލާއު ޢަބްދުލް ސައްތާރުއެވެ. 2 ވަނަ އަށް ދިޔައީ މަރިޔަމް އަޒުމާކަމަށް ވާއިރު، މި ޑިވިޜަނުގެ 3 ވަނަ ޒުލޭހާ މޫސާ ހޯދީ ފާތިމަތު ޝިފްނާ އާ ވާދަކޮށެވެ.
ލިޔުނީ: ޢާއިޝަތު ޝަމްލާ,
މީޑިއާ ކޯޑިނޭޓަރ، ޝެޓްސް، އެމް.އެން.ޔޫ.އެސް.ޔޫ
