ޝެޓްސް ފުޓްސަލް ޓޯނަމެންޓްގެ ގުރުއަތުލުން އިއްޔެ ހަވީރުގެ ވަގުތެއްގައި ވަނީ ބާއްވާފައެވެ. މި ޓޯނަމެންޓްއްކީ ޝެޓްސްއިން އިންތިޒާމުކޮށްގެން އެފް އެޗް ޓީ އެސްގެ ދަރިވަރުންނަށް ހުޅުވާލައިގެން ކުރިއަށްދާ މުބާރާތެކެވެ.
2 ގްރޫޕްއަކަށް ބަހާލައިގެން ކުރިޔަށް ގެންދިޔުމަށް ހަމަޖެހިފައިވާ މިމުބާރާތުގައި ޖުމްލަ ފިރިހެން ކުދިންގެ 6 ޓީމެއް ވާދަކުރާނެއެވެ. ގްރޫޕް އޭ ގައި ހިމެނޭ ޓީމް ތަކަކީ، ޓީމް ރަޝްކޮ އާއި، ސުމެއް ކަލޯ އެފް ސީ އަދި، ވިޖިލާންޓިސް އެފް ސީ އެވެ. ގްރޫޕް ބީ ގައި ހިމެނެނީ ޓީމް ޝަކަ ލަކަ ބޫމްބޫމް އާއި، ޓީމް ޓޫ އިން ވަން، އަދި އެފް ސީ ޗިކާގޯ ޑައުންސްއެވެ. ކޮންމެ ގްރޫޕްއަކުން 1ވަނަ އަދި 2ވަނަ ޓީމްތަށް މުބާރާތުގެ ސެމީ ފައިނަލްއަށް ދާނެއެވެ. އަދި އޭގެ އިތުރުން އަންހެންކުދިންގެ ފުޓްސަލް މެޗެއްވެސް މިމުބާރާތުގައި ކުޅުމަށް ވަނީ ހަމަޖެހިފައެވެ.
މި މުބާރާތް ކުޅެމުންދާނީ އެކުވެނި ވެލި ދަނޑުގައެވެ. މުބާރާތުގެ ފުރަތަމަ މެޗުގައެ ބައްދަލް ކުރާ 2 ޓީމްއަކީ ވިޖިލާންޓިސް އެފް ސީ އަދި، ސުމެއް ކަލޯ އެފް ސީ އެވެ. މި މެޗް އޮންނާނީ 29 އޮގަސްޓް 2019 ވާ ބުރާސްފަތި ދުވަހުގެރޭ 21:00 ގައެވެ.
ލިޔުނީ: އާއިޝަތް ޝަމްލާ
މީޑިޔާ ކޯޑިނޭޓަރ، ޝެޓްސް، އެމް.އެން.ޔޫ.އެސް.ޔޫ
