ޝެޓްސް ފުޓްސަލް ޓޯނަމެންޓް ގެ ސެމީ ފައިނަލްގެ ފުރަތަމަ ދެ ޖާގަ އެފް ސީ ޗިކާގޯ ޑައުންސް އަދި ޓީމް ޓޫ އިން ވަން އިން ކަށަވަރު ކޮށްފި.

އެފް.އެޗް.ޓީ.އެސް ގެ ދަރިވަރުންނަށް ހުޅުވާލައިގެން ޝެޓްސް އިން ކުރިޔަށް ގެންދަމުންދާ މި މުބާރާތުގެ ސެމީ ފައިނަލުން ފުރަތަމަ ދެ ޖާގަ ކަށަވަރު ކޮށްފައިވަނީ އެފް ސި ޗިކާގޯ ޑައުންސް އަދި، ޓީމް ޓޫ އިން ވަން އިންނެވެ.

އެފް ސީ ޗިކާގޯ ޑައުންސް އަދި، ޓީމް ޓޫ އިން ވަން އިން މުބާރާތުގެ ސެމީ ފައިނަލުން ޖާގަ ހޯދައިފައިވަނީ، ޝަކަ ލަކަ ބޫމް ބޫމް އާއި ދެކޮޅަށް ދެ ޓީމް އިންވެސް ކުޅުމު މެޗުން މޮޅުވެގެންނެވެ.

މިއަދު ހަވީރު ކުޅެވުނު ފުރަތަމަ މެޗުގައި ވާދަ ކޮށްފައި ވަނީ ޓީމް ރަޝްކޮ އާއި ވިޖިލާންޓިސް އެފް ސީ އެވެ. މި މެޗުން 4-2 ގެ ނަތީޖާ އަކުން މޮޅުވެފައި ވަނީ ޓީމް ރަޝްކޮ އެވެ. މި މެޗުގެ އެންމެ މޮޅު ކުޅުންތެރިޔަކަށް ހޮވިފައިވަނި ޓީމް ރަޝްކޮ ގެ ޖާރޒީ ނަންބަރު 3، އަލީ އުޒައިރު އެވެ.

މިއަދު ހަވީރު ކުޅުނު ދެވަނަ މެޗުގައި ބައްދަލު ކޮށްފައި ވަނީ ޝަކަ ލަކަ ބޫމް ބޫމް އަދި އެފް ސީ ޗިކާގޯ ޑައުންސް އެވެ. މި މެޗު ކާމިޔާބު ކޮށްފައިވަނީ އެފް ސީ ޗިކާގޯ ޑައުންސް އެވެ، މި މެޗުގެ އެންމެ މޮޅު ކުޅުންތެރިޔަކަށް ހޮވިފައިވަނީ އެފް ސީ ޗިކާގޯ ޑައުންސް ގެ ޖާޒީ ނަމްބަރު 8، މުހައްމަދް އިއުފާފް އެވެ.

ޝެޓްސް ފުޓްސަލް ޓޯނަމެންޓް ގެ ގްރޫޕް ސްޓޭޖްގެ ފަހު މެޗްތަށް ކުޅެން ހަމަޖެހިފައި ވަނީ މިރޭގައެވެ. ފުރަތަމަ މެޗުގައި ވާދަ ކުރާނީ ސުމެއް ކަލޯ އެފް ސީ އާއި، ޓީމް ރަޝްކޮ އެވެ. ގްރޫޕް ސްޓޭޖްގެ ފަހު މެޗް ކުޅޭނީ ޓީމް ޓޫ އިން ވަން އަދި، އެފް ސީ ޗިކާގޯ ޑައުންސް އެވެ.

ލިޔުނީ: އާއިޝަތް ޝަމްލާ

މީޑިއާ ކޯޑިނޭޓާރ، ޝެޓްޝް، އެމް.އެން.ޔޫ.އެސް.ޔޫ