ޝެޓްސް ފުޓްސަލް ޓޯނަމެންޓް ގެ ގްރޫޕް ސްޓޭޖްގެ މެޗުތަށް މިރޭ ވަނީ ކުޅެ ނިމިފައެވެ. އަދި މުބާރާތުގެ ސެމީ ފައިނަލުގައި ވާދަ ކުރާނެ ޓީމުތަށްވެސް ވަނީ މިރޭ ކަށަވަރު ވެފައެވެ.
މިރޭގެ ފުރަތަމަ މެޗުގައި ކުޅުނީ ޓީމް ރަޝްކޮ އާއި ސުމެއް ކަލޯ އެފް ސީ އެވެ. މި ދެ ޓީމް ބައްދަލް ކުރި މެޗުން 1-0ގެ ނަތީޖާއަކުން މޮޅުވެފައި ވަނި ޓީމް ރަޝްކޮ އެވެ. މި މެޗުގެ އެންމެ މޮޅު ކުޅުންތެރިޔަކަށް ހޮވިފައިވަނީ، ޓީމް ރަޝްކޮ ގެ ޖާރޒީ ނަންބަރ 5، މުހައްމަދު ހުސައިން އެވެ. އަދި ޓީމް ރަޝްކޮ އިން ވަނީ މި މެޗުން މޮޅުވެ، މުބާރާތުގެ ސެމީ ފައިނަލުގެ ތިން ވަނަ ޖާގަވެސް ކަށަވަރު ކޮށްފައެވެ.
ފަހުން ކުޅުނު މެޗުގައި އެފް ސީ ޗިކާގޯ ޑައުންސް ވަނީ ޓީމް ޓޫ އިން ވަން އާ ވާދަ ކޮށް 4-3 ގެ ނަތީޖާ އަކުން މެޗު ކާމިޔާބު ކޮށްފައެވެ. މި ޓީމް އިންވެސް ވަނީ މުބާރާތުގެ ސެމީ ފައިނަލުން ޖާގަ ހޯދާފައެވެ. ފޯރިގަދަ ކުޅުމެއް ފެނިގެންދިޔަ މި މެޗުގެ އެންމެ މޮޅު ކުޅުންތެރިޔަކަށް ހޮވިފައި ވަނީ އެފް ސީ ޗިކާގޯ ޑައުންސްގެ ޖާރޒީ ނަންބަރު 17، އިބްރާހީމް އިޚްލާސް އެވެ.
މުބާރަތުގެ ސެމީ ފައިނަލް އަދި ފައިނަލްގެ މެޗުތަށް ކުޅެން ހަމަޖެހިފައިވަނީ 31 އޮގަސްޓް ގެ ހަވީރު އަދި ރޭގަނޑުގެ ވަގުތުތަކުގައެވެ.އަދި ހަމަ އެއާއެކު އެފް.އެޗް.ޓީ.އެސް ގެ އަންހެން ދަރިވަރުންގެ އެކުވެރި ކަމުގެ މެޗެއް ކުޅެން ވަނީ ހަމަޖެހިފައެވެ.
ލިޔުނީ: އާއިޝަތު ޝަމްލާ
މީޑިއާ ކޯޑިނޭޓަރ: ޝެޓްސް، އެމް.އެން.ޔޫ.އެސް.ޔޫ
