ޝެޓްސް އިން އިންތިޒާމު ކޮށްގެން އެފް.އެޗް.ޓީ.އެސް ގެ ދަރިވަރުންނަށް ހުޅުވާލައިގެން ކުރިއަށް ގެންދާ މި މުބާރާތުގެ ފައިނަލަށް ޓީމް ޓޫ އިން ވަން އާއި އެފް ސީ ޗިކާގޯ ޑައުންސް ދަތުރުކޮށްފިއެވެ.
ޓީމް ރަޝްކޮ އަދި ޓީމް ޓޫ އިން ވަން ބައްދަލް ކުރި މެޗުގައި ދެ ޓީމުންވެސް ފޯރި ގަދަ ކުޅުމެއް ދެއްކި އިރު 3-1 ގެ ނަތީޖާ އަކުން ކާމިޔާބުކޮށްފައި ވަނީ ޓީމް ޓޫ އިން ވަން އެވެ. މި މެޗުގެ އެންމެ މޮޅު ކުޅުންތެރިޔަކަށް ހޮވިފައި ވަނީ، ޓީމް ޓޫ އިން ވަން ގެ ޖާރޒީ ނަންބަރު 9، މުހައްމަދު ޖުމާން އެވެ.
މުބާރާތުގެ ފައިނަލަށް ދާ ދެވަނަ ޓީމް ކަށަވަރު ކުރުމަށް ކުޅެވުނު ދެވަނަ މެޗުގައި ވާދަ ކޮށްފައި ވަނީ ވިޖިލާންޓެސް އެފް ސީ އަދި، އެފް ސީ ޗިކާގޯ ޑައުންސް އެވެ. އެފް ސީ ޗިކާގޯ ޑައުންސް އިން ވިޖިލާންޓިސް އެފް ސީ ގެ މައްޗަށް ކުރި ހޯދައިފައި ވަނީ 4-1 ގެ ނަތީޖާ އަކުންނެވެ. މެޗުގެ އެންމެ މޮޅު ކުޅުންތެރިޔަކަށް ހޮވިފައި ވަނީ،އެފް ސީ ޗިކާގޯ ޑައުންސް ގެ ޖާރޒީ ނަންބަރު 8، މުހައްމަދު އިޔުފާފް އެވެ.
މުބާރާތުގެ ފައިނަލްގައި ވާދަ ކުރާ ޓީމްތަކުގެ މެޗު ކުޅެން ހަމަ ޖެހިފައި ވަނީ މިރޭ 9:00 ގައެވެ. ފައިނަލް މެޗުގެ ކުރިން އެފް.އެޗް.ޓީ.އެސް ގެ އަންހެން ކުދިންގެ އެކުވެރިކަމުގެ މެޗެއް ކުޅެންވެސް ވަނީ ހަމަޖެހިފައެވެ.
ލިޔުނީ: އާއިޝަތު ޝަމްލާ
ޝެޓްސް، މީޑިއާ ކޯޑިނޭޓާރ، އެމް.އެން.ޔޫ.އެސް.ޔޫ
