ޓީމް ޓޫ އިން ވަން އިން ޝެޓްސް ފުޓްސަލް ޓޯނަމެންޓް ކާމިޔާބުކޮށްފި!

އެފް.އެޗް.ޓީ.އެސް ގެ ދަރިވަރުންނަށް އަމާޒު ކޮށްގެން ޝެޓްސް އިން ކުރިއަށް ގެންދިޔަ ފުޓްސަލް ޓޯނަމެންޓް ނިމިއްޖެއެވެ. މުބާރާތުގެ ޗެމްޕިއަންކަން ލިބިފައިވަނީ، ޓީމް ޓޫ އިން ވަން އަށެވެ.

ފޯރިގަދަ މެޗު ތަކަކަށް ފަހު އެފް ސީ ޗިކާގޯ ޑައުންސް ފައިނަލާ ހަމަޔަށް ދަތުރު ކޮށްފައިވަނީ ގޮރޫޕް ސްޓޭޖައި ކުޅެވުނު ހުރިހާ މެޗުތަކުން މޮޅުވެގެންނެވެ. ގްރޫޕް ސްޓޭޖްގައި ކުޅެވުނު މެޗުތަކުން ޓީމް ޓޫ އިން ވަން ވަނީ އެފް ސީ ޗިކާގޯ ޑައުންސް އަތުން ބަލިވެފައެވެ. މިރޭގެ ފައިނަލް މެޗުގައި ދެ ޓީމުންވެސް ވަނީ މޮޅު ކުޅުމެއް ދައްކައިފައެވެ.

މިރޭގައި ކުޅެވުނު އެފް.އެޗް.ޓީ.އެސް އަންހެން ދަރިވަރުންގެ މެޗުވެސް ވަރަށް ފޯރިގަދަކޮށް ނިމިގެން ދިޔަ އިރު ދެ ޓީމް އިންވެސް ވަނީ މޮޅު ކުޅުމެއް ދައްކާފައެވެ. މި މެޗުގައި ވާދަ ކޮށްފައިވަނީ ޓީމް ވަޅޭ އަދި އަމިގޮސް އެވެ. މި މެޗުން މޮޅުވެފައި ވަނީ އަމިގޯސް އެވެ. މި މެޗުގެ އެންމެ މޮޅު ކުޅުންތެރިޔަކަށް ހޮވިފައިވަނީ، އަމިގޮސްގެ ޖާރޒީ ނަންބަރު 7، ނަރީމާ އިދްރީސް އެވެ.

ފައިނަލް މެޗުގައި އެފް ސީ ޗިކާގޯ ޑައުންސް އަދި ޓީމް ޓޫ އިން ވަން ބައްދަލުކޮށް، ޓީމް ޓޫ އިން ވަން ވަނީ މެޗު ކާމިޔާބުކޮށް، ޝެޓްސް ފުޓްސަލް ޓޯނަމެންޓުގެ ތަށި ފުރަތަމަ ފަހަރަށް އުފުލާލާފައެވެ. މި މެޗުގެ އެންމެ މޮޅު ކުޅުންތެރިއަކަށް ހޮވިފައިވަނީ ޓީމް ޓޫ އިން ވަން ގެ ޖާރޒީ ނަންބަރު 8، މޫސާ އަސްލަމް އެވެ.

މެޗަށް ފަހު ވަނީ މުބާރާތް ނިންމުމުގެ ރަސްމިއްޔާތު ބާއްވައިފައެވެ. މި ރަސްމިއްޔާތު ބާއްވާފައިވަނީ ބީ.އެސް.އެސް.އޭ ގެ ފުޓްސަލް ޓޯނަމެންޓްގެ ނިންމުމުގެ ރަސްމިއްޔާތާ އެކުގައެވެ. ރަސްމިއްޔާތު ޝަރަފްވެރި ކޮށްދެއްވުމަށް ވަނީ އެފް.އެޗް.ޓީ.އެސްގެ ލެކްޗަރާ ހުސައިން ސަބާހު އަދި ޒުނީނާ ހަބީބު ވަޑައިގެން ދެއްވާފައެވެ. އަދި ހަމަ އެއާ އެކު އެމް.އެން.ޔޫ.އެސް.ޔޫ ގެ ފަރާތުން އެޑްވައިސަރީ ބޯޑްގެ މެމްބަރު، ހުސައިން އަލީ އާއި، އެމް.އެން.ޔޫ.އެސް.ޔޫ ގެ ނައިބް ރައީސް (އިލްމީ) އާދަމް ރުޝްދި އަދި އެމް.އެން.ޔޫ.އެސް.ޔޫ ގެ ނައިބް ރައީސް (ގޮފިތަށް) އަލީ ޝަމްއޫން ވަނީ ވަޑައިގެންދެއްވާފައެވެ. ޗެމްޕިއަން ޓީމް އަށް ތަށި ހަވާލުކޮށްދީފައި ވަނީ، އެމް.އެން.ޔޫ.އެސް.ޔޫ ގެ އެޑްވައިސަރީ ބޯޑް ގެ މެމްބާރ ހުސައިން އަލީ އެވެ.