ތެވެލި ޕްރޮގްރާމަށް ތައްޔާރު ވުމުގެ ގޮތުން އެފް.އެޗް.ޓީ.އެސް ގެ ޑީން، ޝެޓްސް ލީޑާސް އާ ބައްދަލް ކުރައްވައިފިއެވެ. ތެވެލި އަކީ އެމް.އެން.ޔޫ އިން ބާއްވާ ”އިންޓާރނޭޝަނަލް ކޮންފަރެންސް“ އެކެވެ. މި ”ކޮންފަރެންސް“ ގެ ކޭޓަރިންގް އާއި ހަވާލުވެ އިސްނަގަނީ އެފް.އެޗް.ޓީ.އެސް އިންނެވެ.
މިއަދު ބޭއްވުނު ބައްދަލްވުމުގައި، ސެޕްޓެމްބަރު 8 އަދި 9 ވަނަ ދުވަހު އޮންނަ މި ޕްރޮގްރާމަށް ތައްޔާރު ވުމުގެ ގޮތުން ކުރަންޖެހޭ ކަންތައްތަކާއި، ޕްރޮގްރާމް ކުރިއަށް ދާނެ ގޮތުގެ ތައާރަފެއް ވަނީ ދެއްވާފައެވެ. މި ބައްދަލުވުން ކުރިޔަށް ދިޔައީ މިއަދު މެންދުރު 12:40 ގައެވެ. ޝެޓްސް ލީޑަރުންގެ 40 ކުދިން މި ބައްދަލުވުމުގައި ބައިވެރި ވެފައި ވާ އިރު، ޝެޓްސް ހިންގާ ކޮމިޓީގެ 4 މެންބަރަކުވެސް ވަނީ މި ބައްދަލުވުމުގައި ބައިވެރި ވެފައެވެ.
ހަމަ އެއާ އެކު، އެފް.އެޗް.ޓީ.އެސް އިން މިއަހަރު ކުރީ ކޮޅު ބޭއްވުނު އެމް.އެން.ޔޫ.އެސް.ޔޫ އިންޓާރ ފެކަލްޓީ ވޮލީ ބޯލް ޓޯނަމެންޓް ގެ ޗެމްޕިއަން ކަން ނެގުމާ ގުޅިގެން ސެލެބްރޭޝަން ބޭއްވުމަށްވެސް ޑީން ވަނީ މިއަދުގެ ބައްދަލުވުމުގައި ވައުދު ވެވަޑައިގެންފައެވެ.
