އެމް.ޑަބްލިޔު.އެސް.ސީ އެމް.އެން.ޔޫ ފުޓްސަލް ފިއެސްޓާ 2019 ގެ އެފް.އެޗް.ޓީ.އެސް ޓީމުގެ ޖާޒީ ހަވާލުކޮށްފިއެވެ. އެހެން އަހަރުތަކެކޭވެސް އެއްފަދައިން އެފް.އެޗް.ޓީ.އެސް އިން ވަނީ މިއަހަރުވެސް އަންހެން އަދި ފިރިހެން ޓީމެއް މި މުބާރާތުގައި ބައިވެރިވެފައެވެ.
ސެރެމަނީ ފެށިގެން ދިޔައީ ޝެޓްސްގެ ނައިބު ރައީސް(އަމަލީ)، ހުސައިން ޒައިދުގެ ކުޑަ ބަސް ކޮޅަކުންނެވެ. އެއަށްފަހު ޝެޓްސްގެ ރައީސް، މީކާއިލް ހަލީމް ވަނީ ކުޅުންތެރިންނާއި މުހާތަބުކޮށް ވާހަކަދައްކާފައެވެ. މީގެއިތުރުން، އެފް.އެޗް.ޓީ.އެސް ގެ ލެކްޗަރަރ ޙުސައިން ޞަބާޙު ވަނީ 2 ޓީމުގެ ކުޅުންތެރިންނަށާއި އޮފިޝަލުންނާއި މުޚާތަބުކޮށް ވާހަކަދައްކައި، ޖާޒީ ޙަވާލުކޮށްދެއްވާފައެވެ. އެފް.އެޗް.ޓީ.އެސް އިން ނެރުނު އަންހެން ޓީމްގެ ކޯޗަކަށް ހަމަޖެހިފައިވަނީ މިފެކަލްޓީގައި ތަޢުލީމު ޙާޞިލުކުރަމުން އަންނަ ދަރިވަރެއް ކަމުގައިވާ، ޝުހާދު އަހުމަދެވެ. އަދި މިފެކަލްޓީ އިން ނެރުނު ފިރިހެން ޓީމުގެ ކޯޗަކަށް ހަމަޖެހިފައިވަނީ އަހުމަދު ޙަލީމެވެ.
މިފަހަރު 2 ޓީމުންވެސް ވަނީ މުބާރާތަށް ވަރަށް ފުރިހަމައަށް ތައްޔާރުވެފައެވެ. މި 2 ޓީމުގެ ތެރެއިން މިރޭ އެންމެ ފުރަތަމަ ނިކުންނާނީ އަންހެން ޓީމެވެ. އެފް.އެޗް.ޓީ.އެސް ގެ އަންހެން ޓީމު މިރޭ 00 20 ގައި ކުޅޭނީ ސައިރިކްސް ކޮލެޖާއި ދެކޮޅަށެވެ. އަދި އެފް.އެޗް.ޓީ.އެސް ގެ ފިރިހެން ޓީމު މިރޭ 50 20 ގައި ކުޅުމަށް ހަމަޖެހިފައި ވަނީ ޕޮލިޓެކްނިކާއި ދެކޮޅަށެވެ.
މި ދެ ޓީމުގެ ވެސް އަމާޒަކީ މުބާރާތުގެ ތަށި ކާމިޔާބުކުރުމެވެ.
