އެމް.އެން.ޔޫ.އެސް.ޔޫ އިން ސޮސައިޓީ ފޯ ހޮސްޕިޓާލިޓީ އެންޑް ޓޫރިޒަމް ސްޓަޑީސް ގެ ވިންގް މެންބަރުންނާއި ބައްދަލުކޮށްފިއެވެ. ސޮސައިޓީ ފޯ ހޮސްޕިޓާލިޓީ އެންޑް ޓޫރިޒަމް ސްޓަޑީސް (ޝެޓްސް) އަކީ އެފް.އެޗް.ޓީ.އެސް ގެ ޔޫނިއަން ތަމްސީލު ކުރާ ގޮތްޕެވެ
ޔޫނިއަން އިން ޝެޓްސް ގެ އެކްސްކޯ މެމްބަރުންނާއި ބައްދަލުކޮށްފައި ވަނީ 28 ސެޕްޓެންބަރ ވީ ހޮނިހިރު ދުވަހު 5:00 ގައި، ޔޫނިއަންގެ އޮފީހުގައެވެ. މި ބައްދަލުވުމުގައި ޝެޓްސް ގެ ފަސް މެމްބަރުންނާއި އެމް.އެން.ޔޫ.އެސް.ޔޫ ގެ 4 މެމްބަރުން ވަނީ ބައިވެރި ވެފައެވެ.
މި ބައްދަލުވުމުގައި މައިގަނޑު ގޮތެއްގައި ދެކެވިފައިވަނީ ޝެޓްސް އިން ހިންގާފައިވާ ހަރަކާތް ތަކުގެ ވާހަކައާއި، އަދި މި އަހަރު ކުރިޔަށް ހިންގަން ރާވާފައި ވާ ހަރަކާތްތަކުގެ ވާހަކަ އެވެ. އަދި ޔޫނިއަން އިން ވަނީ ހަރަކާތްތަށް ކުރިޔަށް ގެންދިޔުމުގައި ބަލަން ޖެހޭ ކަންތަކާއި ހަރަކާތް ކުރިޔަށް ގެންދާނެ ފަސޭހަ ގޮތްތަށް ކިޔައިދީފައެވެ. ހަމަ އެހެންމެ މިއަހަރު ކުރިޔަށް އޮތް ތާގައި އެމް.އެން.ޔޫ.އެސް.ޔޫ އިން ހިންގަން ރާވާފައިވާ ހަރަކާތްތަށްވެސް ވަނީ ޝެޓްސް ގެ މެމްބަރުންނާ ހިއްސާ ކޮށްފައެވެ.
އެންމެ ހާއްސަ ކަމަކަށް ޔޫނިއަން އިން ފާ ހަނގަ ކޮށްފައި ވަނީ، ޝެޓްސް އިންއެހެން އަހަރު ތަކާ ހިލާފަށް މި އަހަރު ދައްކަމުން އަންނަ ތަފާތު ނަމޫނާއެވެ. ޝެޓްސް ގެ ވިންގަކީ ކުރީ އަހަރު ތަކުގައި އޮންނަ ވިންގެއް ކަމެއްވެސް އެމް.އެން.ޔޫ ގެ ގިނަ ދަރިވަރުންނަށް ނޭނގޭ ކަމަށާއި ޔޫނިއަން އިން ހިންގާ އެއްވެސް ހަރަކާތެއްގައި ޝެޓްސްގެ ފަރާތުން އެއްވެސް އެއްބާރު ލުމެއް ނުލިބުނު ނަމަވެސް، މިއަރު ތަފާތު ފެންނަމުންދާ ކަމަށް ޔޫނިއަން އިން ވަނީ ފާހަގަ ކޮށްފައެވެ. ޝެޓްސް އިން ކުރަމުން އަންނަ ބުރަ މަސައްކަތް ފާހަގަކޮށް ޔޫނިއަންގެ ރައީސް ޝާން ވިދާޅުވެފައިވަނީ “ ވަޅު ޖެހިފައި އޮތް ވިންގެއް ނަގާ ކޮޅަށް ޖެހުމަކީ ކުޑަ ކަމެއް ނޫން.” މި ބައްދަލުވުމުގައި ޝެޓްސް އިން ރަނގަޅު ކުރަންޖެހޭ ކަންތައްތައްވެސް ވަނީ ކިޔައިދީފައެވެ.
މި ބައްދަލުވުމުގެ ސަބަބުން ކުރިޔަށް އޮތް ތާނގައި މަސަތްކަތް ކުރަން ފަސޭހަ ވެގެންދާނެއެވެ.
ލިޔުނީ: އާއިޝަތު ޝަމްލާ
މީޑިއާ ކޯޑިނޭޓަރ، ޝެޓްސް
