ޝެޓްސް ލީޑާރސްގެ މެދުގައި ގުޅުން ބަދަހި ކުރުމަށް ޚާއްޞަ ހަރަކާތެއް ބާއްވައިފިއެވެ. ”ލީޑާރސް ދަތުރު“ ގެ ނަމުގައި މިހަރަކާތް ކުރިޔަށްގެންގޮސްފައިވަނީ 26 އޮކްޓޯބަރ ވީ ހޮނިހިރު ދުވަހުގެ ހެނދުނު 8:00ގައެވެ.
ވިލިނގިއްޔަށްދިޔަ މިދަތުރުގައި 19 ލީޑަރުންނާއި 3 ޝެޓްސް އެކްސްކޯ މެންބަރުންގެ އިތުރުން ލެކްޗަރަރ އެއް ވަނީ ބައިވެރިވެފައެވެ. ޝެޓްސް ގެ ޚަޒާންދާރު، ސުޢައިދު ޔޫނުސް ވިދާޅުވި ގޮތުގައި މި ދަތުރުގެ މައިގަނޑު މަޤުޞަދަކީ ޝެޓްސް ލީޑާރސްގެ މެދުގައި ގުޅުންބަދަހި ކުރުމެވެ. އަދި ލީޑާރސްގެ ޓީމްވޯކު ކުރިއަށްވުރެ ރަނގަޅު ކުރުމެވެ. އެގޮތުން މިދަތުރުގައިވަނީ ތަފާތު ގިނަ ކުޅިވަރުތަށް ކުޅެ، ”ޓީމް ބިލްޑިންގ އެކްސަރސައިޒް“ ކުރިޔަށްގެންގޮސްފައެވެ. އަދި ހެނދުނުގެ ނާސްތާވެސް ތައްޔާރުކޮށްފައިވަނީ އެންމެން އެކުގައެވެ.
ދަތުރު ނިންމާލުމުގެ ކުރިން ދަތުރުގެ ބައިވެރިންވަނީ ވިލިންގިލީގެ ތޮށިގަނޑުގެ ސަރަހައްދެއް ސާފުކޮށްފައެވެ. މި ހަރަކާތުގެ ތެރެއިން ޝެޓްސް ލީޑާރސް ގެ އެއްބައިވަންތަކަން ވަނީ ފެނިފައެވެ. ދަތުރު ނިންމާލުމައް ފަހު މާލެ އައިސްފައިވަނީ ހަވީރު 4:00 ގައެވެ.
ޝެޓްސް އިން ހިންގާ ހަރަކާތްތަށް ކާމިޔާބުވަނީ ލީޑާރސްގެ ފުރިހަމަ އެއްބާރުލުމާއި އެކުގައެވެ. މި ހަރަކާތުގެ ސަބަބުން، އެއްބައިވަންތަކަން އިތުރުވެ، ޓީމް ވޯކް އިތުރުވާނެކަމަށް ޤަބޫލުކުރެވެއްވެ.
ލިޔުނީ: ޙުސައިން ޒައިދު
ނައިބު ރައީސް (ޢަމަލީ), ޝެޓްސް
