ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީޒްގެ ބެޗްލާރ އޮފް އިންޓަނޭޝަނަލް ހޮސްޕިޓާލިޓީ މެނޭޖްމެންޓްގެ ހަވަނަ ސެމިސްޓަރ ހަދަމުންދާ ދަރިވަރުންގެ ފުޑް ސާވިސް މެނޭޖްމެންޓް އެންޑު ކޮންސެޕްޓް ޑިވޮލޮޕްމެންޓްގެ އިވެޓަކަށް ”ފަރިވަޅު 2019“ ބާއްވައިފިޔެވެ.
މިއީ ބެޗްލާރ އޮފް އިންޓަނޭޝަނަލް ހޮސްޕިޓާލިޓީ މެނޭޖްމެންޓްގެ ފުޑް ސާވިސް މެނޭޖްމެންޓް އެންޑު ކޮންސެޕްޓް ޑިވޮލޮޕްމެންޓް މޮޑިއުލްގައި ފަހު އިމްތިހާނަކަށް ބާއްވަންޖެހޭ އިވެންޓެކެވެ. މިގޮތުން މިސެމިސްޓަރގެ ކުދިން މިވަނީ ”ފަރިވަޅު 2019“ ނަމުގައި ފަތުރުވެރިންނަށް ދިވެހި ރަހަތަކާއި ސަގާފަތް ދައްކާދޭ އިވެންޓެއް ބާއްވާފައެވެ.
މިއިވެންޓް ކުރިޔަށްގެންގޮސްފައި ވަނީ ވެލާނާ އިންޓަނޭށަނަލް އެއާޕޯޓުގެ ވޯޓާ ފުރަންޓު ބިލްޑިންގައެވެ.
ކާބަފައިން ކުރިންސުރެ ކައިއުޅުނު އެތަކެއް ކެއުންތަކެއް މި ”ފަރިވަޅު“ ގައި ލިބިގެންދިޔައެވެ. މީގެތެރެގައި މަސްބަތް، ކަނަމަދު ބޯކިބާ އަދި ތަފާތު ވައްތަރުގެ ބޮނޑި ހިމެނެއެވެ. މީގެ އިތުރުން ދިވެހިން ކޮށް އުޅުނު މަސައްކަތްތަކާއި ކުޅެ އުޅުނު ކުޅިވަރުތައް ފަތުރުވެރިންނަށް ދައްކާލަދީފައި ވެޔެވެ.
އިވެންޓް ކުރިޔަށްދިޔަ ވަގުތުގައި ތަންފަޅު ފިލުވައިދިނީ އެފް.އެޗް.ޓީ.އެސް ދަރިވަރުންގެ ސަގާފީ ފަރި ނެށުން ތަކާއި، ބޮޑުބެރުގެ ފޯރިގަދަ ލަވަތަކުންނެވެ.
ލިޔުނީ: ސުއައިދު ޔޫނުސް
ޚަޒާންދާރު، ޝެޓްސް
