އެފް.އެޗް.ޓީ.އެސް އެގެއިންސްޓް ސިންގަލް ޔޫސް ޕްލާސްޓިކް“ ކެމްޕެއިންގެ ދަށުން އެފް.އެޗް.ޓީ.އެސް ގައި ފެން ސާފު ކުރާ މެޝިނެއް ހަރުކޮށްފި

މި އަހަރު ޙާއްސަ އިސްކަމެއް ދީގެން ޝެޓްސް އިން ކުރިޔަށް ގެންދާ ”އެފް.އެޗް.ޓީ.އެސް އެގެއިންސްޓް ސިންގަލް ޔޫސް ޕްލާސްޓިކް“  ކެމްޕެއިންގެ ދަށުން އަނެއްކާވެސް ވަނީ އިތުރު ހަރުފަތެއް ގިރާކޮށްފައެވެ. މިފަހަރު މި ވަނީ އެފް.އެޗް.ޓީ.އެސް ގައި ފެން ސާފު ކުރާ މެޝިނެއް ހަރުކުރެވިފައެވެ.

 ވީ.އޭ.އެމް.ކޯ ޕްރައިވެޓް ލިމިޓެޑް ގެ އަގު ނުކުރެވޭނެ ފަދަ ހެޔޮ އެދުންތަކާ އެކު ޝެޓްސް އަށް ވަނީ ލިވްފިޔޯރ 7 ސްޓޭޖް ފެން ސާފު ކުރާ މެޝިނެއް ހަދިޔާ ކޮށްފައެވެ. މި މެޝިން މިހާރު ވަނީ އެފް.އެޗް.ޓީ.އެސް އިމާރާތުގެ 3 ވަނަ ފަންގިފިލާގައި ހަރުކުރެވި ބޭނުން ކުރަން ފަށާފައެވެ. މިކަމުގެ ސަބަބުން ފެކަލްޓީގެ ދަރިވަރުންނަށް މިވަނީ ރައްކާތެރި ސާފު ބޯފެން އިމާރާތުގެ ތެރެއިން ހޯދޭނެ އިތުރު ދޮރެއް ހުޅުވިފައެވެ. މިކަމުގެ ސަބަބުން، ކޮންމެ ފަހަރަކު ޕްލާސްޓިކް ފުޅި ނުގަނެ ފެން ހުސްވުމުން ފެން އަޅާލެވޭނެ ނިޒާމް މި ވަނީ ހަމަ ޖެހިފައެވެ.  

ޝެޓްސް އިން ދެކޭ ގޮތުގައި، މިއީ ފެކްލްޓީ ތެރެއިން ޕްލާސްޓިކް ފުޅި މަދު ކުރުމަށް އެޅުނު ވަރަށް މުހިއްމު ފިޔަވަޅެކެވެ. އަދި ދަރިވަރުން ދަނީ މި މެޝިންގެ ބޭނުން ހެޔޮގޮތުގައި ހިފަމުންނެވެ.

ލިޔުނީ: ޙުސައިން ޒައިދު 

ނައިބު ރައީސް (ޢަމަލީ)، ޝެޓްސް