އެމް.އެން.ޔޫ ގެ ހުރިހާ ދަރިވަރުންނަށް ހުޅުވާލައިގެން ބޭއްވޭ އެމް.އެން.ޔޫ.އެސް.ޔޫ ޝެޓްސް ކެރަމް މުބާރާތް މި އަހަރުގެ ރަމަޟާން މަހުގައިވެސް އޮންނާނެކަމަށް އިޢުލާން ކޮށްފިއެވެ.
ކުރީ އަހަރުގެ މުބާރާތާއި ޚިލާފަށް، މި ފަހަރުގެ ކެރަމް މުބާރާތުގައި ދެ އިވެންޓެއް ހިމެނެއެވެ. އެއީ، ޓީމް އިވެންޓް އަދި ސިންގަލްސް އިވެންޓެވެ. މި ދެ އިވެންޓު ވެސް ކުރިއަށް ގެންދިއުމަށް ހަމަޖެހިފައިވަނީ އަންހެން ފިރިހެން ވަކިންނެވެ. ޓީމް އިވެންޓްގައި ކޮންމެ ފެކަލްޓީ އަކަށްވެސް އަންހެން ޓީމަކާއި ފިރިހެން ޓީމެއް ބައިވެރި ކުރެވޭނެއެވެ. މުބާރާތް ބޭއްވުމަށް ހަމަޖެހިފައިވަނީ ކެރަމް އެސޯސިއޭޝަން ގައެވެ. މި މުބާރާތް ކުރިއަށްދާނީ 2 އޭޕްރިލް 2021 އާއި 8 އޭޕްރިލް 2021 އާ ދެމެދުގައެވެ.
މުބާރާތުގެ އަމްޕަޔަރުކަން ކުރުމަށްޓަކައި އަމްޕަޔަރުން ތަމްރީނު ކުރުމުގެ ޕްރޮގްރާމެއް ބާއްވަން ވަނީ ނިންމާފައެވެ. އަދި މި މުބާރާތުގެ އަމްޕަޔަރުންގެ ގޮތުގައި މަސައްކަތް ކުރައްވާ ދަރިވަރުންނަށް މި މުބާރާތުގައި ކުޅުމުގެ ފުރުސަތުވެސް ވަނީ ހުޅުވާލެވިފައެވެ. މިގޮތުން މުބާރާތުގައި އަމްޕަޔަރ ކަން ކުރުމަށާއި، މުބާރާތުގައި ބައިވެރިވުމަށް https://tinyurl.com/shats-carrom މި ފޯމް ފުރާލުމުން ބައިވެރިވެވޭނެއެވެ. މި މުބާރާތުގެ އަމްޕަޔަރ ކަން ކުރަން ބޭނުންވާ ދަރިވަރުންގެ ތަމްރީން ކްލާސްތަށް ގެންދިއުމަށް ހަމަޖެހިފައިވަނީ އެމް.އެން.ޔޫ ސެންޓްރަލް ގައެވެ. އަދި އަމްޕަޔަރުން ތަމްރީނުކުރުމުގެ ކްލާސްތަށް 26 އޭޕްރިލް 2021 އިން ފެށިގެން ކުރިއަށްދާނެއެވެ.
2019 ވަނަ އަހަރު ބޭއްވުނު ފުރަތަމަ މުބާރާތުގައި 30ށް ވުރެން ގިނަ ބައިވެރިން ބައިވެރިވެފައިވެއެވެ. މި މުބާރާތަކީ ކެރަމް އެސޯސިއޭޝަން އޮފް މޯލްޑިވްސް އާއި ގުޅިގެން ޝެޓްސް އިން ހިންގާ މިފަދަ ދެވަނަ މުބާރާތެވެ.
