ދިވެހިރާއްޖޭގެ ޤައުމީ ޔުނިވާރސިޓިގެ ދަރިވަރުންގެ ޔޫނިއަންގެ ގޮފި ސޮސައިޓީ ފޯރ ހޮސްޕިޓާލިޓީ އެންޑް ޓުއަރިޒަމް ސްޓަޑީޒް (ޝެޓްސް) އިން 1443 ވަނަ އަހަރުގެ ރަމަޟާންމަހުގައި ސިލްސިލާކޮށް ކުރިއަށް ގެންދިޔަ ސުފުރާމަތިން ޕޮރްގްރާމްގެ ކާމިޔާބީ ފާހަގަކޮށް އެހީތެރިވެދެއްވި ފަރާތްތަކުގެ އަގުވަޒަންކުރުމުގެ ގޮތުން ހަނދާނީ ލިޔުން ހަވާލުކޮށްފިއެވެ.
ހޮނިހިރު ދުވަހު ދިވެހިރާއްޖޭގެ ޤައުމީ ޔުނިވާރސިޓިގެ އެފް.އީ އޮޑިޓޯރިއަމްގައި ކުރިއަށް ގެންދެވުން 2021 ވަނަ އަހަރުގެ އިވެންޓު ކްލޯސިންގް ރަސްމިއްޔާތުގައި ސުފުރާމަތިން ޕްރޮގްރާމަށް އެހީތެރިވެދިން ދަރިވަރުންނަށް ޝެޓްސްގެ ރައީސް ޖައިޝް އަލީ ވަހީދު ވަނީ ހަނދާނީލިޔުން ދީފައެވެ.
މި ޕްރޮގްރާމްއަކީ ރަމަޟާންމަހު ފަސޭހަކަމާއެކު ކާއެއްޗެއް ތައްޔާރު ކޮއްލާނެގޮތް ބެލުންތެރިންނަށް ގެނެސްދިނުމަށް ޝެޓްސްގެ 2021 ވަނަ އަހަރުގެ ހިންގާ ކޮމެޓީން އިސްނަގައިގެން މުޅިން އަލަށް ޤައުމީ ޔުނިވާރސިޓިގެ ދަރިވަރުންތަކެއް ބޭނުންކޮށްގެން ކުރިއަށް ގެންދެވުނު ޕްރޮގްރާމެކެވެ. އަދި މި ޕްރޮގްރާމް ވަނީ ޝެޓްސްގެ ފޭސްބުކް ޕޭޖުން ރަމަޟާން މަހުގެ ހުކުރު އަދި ހޮނިހިރު ދުވަހު ދައްކާފައެވެ.
މި ޕްރޮގްރާމުގައި ދެއްކުނު ހުރިހައި އެޕިސޯޑް ތަކެއްގައިވެސް މުޅިން ބޭނުން ކޮށްފައިވަނީ ދިވެހިރާއްޖޭގެ ޤައުމީ ޔުނިވާރސިޓީގެ ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓާޑީޒްގައި ތައުލީމު ހާސިލުކުރަމުން އަންނަ ދަރިވަރުންނެވެ.
ޝެޓްސްގެ ހިންގާކޮމެޓީގެ އަމާޒު ހުރީ މި ދައުރުގައި ދަރިވަރުންނަށް މަންފާކުރާނެ، ދަރިވަރުންގެ ހުނަރުތައް ކުރިއަރައިގެން ދާނެ ތަފާތު ހަރާކާތްތަކެއް ކުރިއަށް ގެންދިއުމެވެ. ކުރިއަށް އޮތް ތަނުގައި ވެސް މިފަދަ ހަރަކާތްތަށް ހިންގިގެންދާނެކަމުގެ ފުރިހަމަ ޔަޤިންކަން ޝެޓްސްގެ ހިންގާ ކޮމެޓީން އަރުވައެވެ.
