ޝެޓްސްގެ މޫވީ ނައިޓް ކާމިޔާބުކަމާއިއެކު ނިންމާލައިފި

ހުކުރު ދުވަހުގެރޭ ޝެޓްސްއިން އިންތިޒާމް ކޮށްގެން ބޭއްވި މޫވީ ނައިޓް ކާމިޔާބުކަމާއެކު ނިންމާލައިފިއެވެ.

މި ހަރަކާތަކީ އެމް.އެން.އެސް.ޔޫގެ ފަރާތުން ކުރިއަށް ގެންދާ ވޮލީ ބޯޅަ މުބާރާތަށް ފައިސާ އެއްކުރުމަށްޓަކައި ޝެޓްސްގެ ފަރާތުން ހިންގާ ސިލްސިލާ ހަރަކާތްތަކުގެ ތެރެއިން ހިންގި ހަރަކާތެކެވެ.

މޫވީ ނައިޓްގައި ދައްކާފައިވާ ފިލްމަކީ މިހާރުގިނަ ބައެއްގެ ތެރޭގައި މަޤްބޫލުކަން ލިބެމުންއަންނަ ފިލްމެއް ކަމައްވާ ”ސުއިސައިޑް ސުކްއަޑް 2“ އެވެ. ފިލްމު ބެލުމަށްޓަކައި ގިނައަދަދެއްގެ މީހުން ބައިވެރިވެފައިވާއިރު، ޓިކެޓެއްގެ އަގަކީ ފަނަރަ ރުފިޔާއެވެ.  މޫވީ ނައިޓް އިތުރަށް ފުރިހަމަ ކުރުމަށްޓަކައި ޝެޓްސްއިން ވަނީ ލުއިކާނާ ވެސް ވިއްކާފައެވެ. އެގޮތުން ޕޮޕްކޯން އާއި ކޯކްވަނީ ވިއްކާފައެވެ.

މިހަރަކާތަށް ބޮޑު ތަރުހީބެއްލިބިގެން ދިޔައިރު މިފަދަ އެތައް ހަރަކާތްތަކެއް ކައިރި މުސްތަޤުބަލެއްގައި ޝެޓްސްގެ ފަރާތުން ހިންގުމަށް ވަނީ ހަމަޖެހިފައެވެ.