ޝެޓްސް ”ލީޑާޒް ފަން ޓްރިޕް“ މިފަހަރު ވިލިމާލެއަށް!

ހޮނިހިރު ދުވަހު ސޮސައިޓީ ފޯރ ހޮސްޕިޓާލިޓީ އެންޑް ޓުއަރިޒަމް ސްޓަޑީޒް (ޝެޓްސް) އިންތިޒާމް ކޮށްގެން ބޭއްވި ”ލީޑާސް ފަން ޓްރިޕް“ ބާއްވާފިއެވެ.
މި އަހަރުގެ ލީޑަރސް ދަތުރު ގޮސްފައިވަނީ ވިލިމާލެއަށެވެ.

މި ދަތުރަކީ ކޮންމެ ސެމިސްޓާއަކުވެސް ޝެޓްސް އާއި އަލަށް ގުޅޭ ދަރިވަރުންގެ މެދުގައި އެކުވެރިކަން އާލާކޮށް ޝެޓްސްގެ ހިންގާ ކޮމެޓީގެ މެންބަރުންނާއި އެދަރިވަރުންނާއި ގުޅުން ބަދަހިކުރުމަށް ޝެޓްސްގެ ހިންގާ ކޮމެޓީން ސިލްސިލާ ގޮތެއްގައި ކުރިޔަށް ގެންދާ ދަތުރެކެވެ.

މިދަތުރުގައި ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީޒް އަށް އަލަށް ގުޅުނު ދަރިވަރުންގެ ތެރެއިން 18 ދަރިވަރުންވަނީ ބައިވެރިވެފައެވެ. މިދަތުރަށް ދަރިވަރުން ފުރައިފައިވަނީ ހެނދުނު 00 :9 ގައެވެ. މިކާމިޔާބު ދަތުރު ނިންމުމަށްފަހު ދަރިވަރުން އަނބުރައި މާލެއަިސްފައި ވަނީ ހަވީރު 4 ޖެހިއިރުގައެވެ.

ދަތުރުގައި ތަފާތު އެކި އެކި ހަރާކާއްތަކެއް ކުރިޔަށް ގެންދިޔައެވެ. މިގޮތުން ޓީމްބިލްޑިން އެކްޓިވިޓިސް އަދި އެކި ކަހަލަ ކުޅިވަރުތަކުގެ ތެރޭގައި ފައިގަތަޅާ ، ފުޓްބޯޅައާއި، ބުޅާމަސްގަނޑު އަދި ވޮލީ ފަދަ މާޖާ ކުޅިވަރުތައް ކުޅެފައިވެއެވެ.

އަދި މި ދަތުރުގައި އެމް.އެން.ޔޫ.އެސް.ޔޫ ލީޑާރސް ގްރޫޕް އަށް ގުޅުމުން ލިބޭނެ ފައިދާތަކާއި، ލިބޭނެ ކުރިއެރުންތަށް ދަރިވަރުންނަށް ވަނީ ކިޔައިދީފައެވެ.

މިކަހަލަ އިތުރު ގިނަ ހަރަކާއްތަކެއް މިއަހަރުގައި ކުރިއަށް ގެންދިއުމަށް ޝެޓްސްއިންވަނީ ރާވައިފައެވެ.