ދުނިޔޭގެ ފަތުރުވެރިކަމުގެ ދުވަސް ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީސް (އެފް.އެޗް.އެސް.ޓީ) އާއި ގުޅިގެން ސޮސައިޓީ ފޯރ ހޮސްޕިޓާލިޓީ އެންޑް ޓުއަރިޒަމް ސްޓަޑީސް (ޝެޓްސްއިން) ކުލަގަދަކޮށް ފާހަގަކޮށްފިއެވެ.
މި ދުވަސް ފާހަގަ ކުރުމަށް އެފް.އެޗް.އެސް.ޓީ.އެސްގެ ދަރިވަރުންގެ އިތުރުން ސްކޫލްތަކުގެ ދަރިވަރުންވެސް ބައިވެރިވެވޭނެ ގޮތަށް ގިނަ ހަރަކާތްތަކެއް ހިންގާފައިވާއިރު، މި ހަރަކާތްތަކަކީ އެފް.އެޗް.އެސް.ޓީގެ ދަރިވަރުންގެ ހުނަރުތައް ފެންނާނެ ގޮތަށް ރާވާފައިވާ ހަރަކާތްތަކެކެވެ.
އެގޮތުން އަހުމަދިއްޔާ އިންޓަނޭޝަލް ސްކޫލްގެ ފަރާތުން އައި ދަރިވަރުންނަށް ވަނީ އެފް.އެޗް.އެސް.ޓީގެ ”ޓުއާއެއް“ ދީފައިއެވެ. މި ޓުއާރގައި އެފް.އެޗް.އެސް.ޓީގެ ދަރިވަރުން ވަނީ ”ބެޑް މޭކިންގް“، ”ބާރ“، ”ކިޗަން“ ގައި ދަރިވަރުން ކުރާ މަސައްކަތްތައް ދައްކާލާފައެވެ. އަދި މި ހަރަކާތްތަށް އިތުރަށް ފުރިހަމަ ވެގެންގޮސްފައިވަނީ އެމް.އެން.ޔޫ.އެސް.ޔޫ ބޮޑުބެރު ގްރޫޕްގެ ފޯރިގަދަ ހުށަހެޅުންތަކުންނެވެ.
މީގެ އިތުރުން ދުވަހުގެ މުނާސަބާގައި ވަނީ ހާއްސަ ކޭކެއްފެޅުމަށް ކުޑަ ކުޑަ ރަސްމިއްޔާތެއްވެސް ބާއްވައިފައެވެ. މި ރަސްމިއްޔާތުގައި އެމް.އެން.ޔޫގެ މެނޭޖްމެންޓާއި އެފް.އެޗް.ޓީ.އެސްގެ މެނޭޖްމެންޓުންނާއި ގިނަ އަދަދެއްގެ ދަރިވަރުން ވަނީ ބައިވެރިވެފައެވެ.
މި ހަރަކާތްތަކުގައި ސްކޫލް ދަރިވަރުން ބައިވެރިކުރުމުގެ މައިގަނޑު މަޤްސަދަކީ، ފަތުރުވެރިކަމުގެ ދާއިރާއިން މަތީތައުލީމު ހާސިލުކުރުމަށް ޝައުގުވެރިކަން ހުންނަ ދަރިވަރުންނަށް ދިވެހިރާއްޖެގެ ޤައުމީ ޔުނިވާރސިޓީގައި ހުރި ވަސީލަތްތަކާއި ހުރި ފުސަތުތައް ކިޔައިދިނުމަށް ބޭއްވިގެންދިޔަ ހަރަކާތެކެވެ.
އެފް.އެޗް.ޓީ.އެސް އާއި ޝެޓްސްއިން އަމާޒުހިފާފައިވަނީ ދާއިރާއިން ތަމްރީނު ހާސިލްކޮށް މަސައްކަތުގެ މާހައުލަށް އެންމެ އެކަށޭނަ ދަރިވަރުންތަކެއް ނެރުމަށް ފުރުސަތު ހުޅުވައިދިނުމެވެ.
