”ބަދަހި ގޮފިތައް“ ޕްރޮގުރާމުގެ ފުރަތަމަ ބައްދަލުވުން އަހުރައާއި އެކު

ދިވެހިރާއްޖޭގެ ޤައުމީ ޔުނިވާރސިޓީގެ ދަރިވަރުންގެ ޔޫނިއަންގެ ގޮފި ތަކުގެ ތެރިން އެފް.އެޗް.ޓީ.އެސް ގެ ގޮފި ސޮސައިޓީ ފޯ ހޮސްޕިޓާލިޓީ އެންޑް ޓުއަރިޒަމް ސްޓަޑީޒް (ޝެޓްސް) އިން ގަން ކެންޕަހުގައި ޤާއިމްކޮށްފައިވާ ގޮފި ކަމުގައިވާ އަހުރަ އާއި ބައްދަލުކޮށްފިއެވެ.

”ބަަދަހި ގޮފިތައް“ ނަމުގައި ހިންގޭ މި ޕްރޮގްރާމް އަކީ ޝެޓްސްއިން އިންތިޒާމްކޮށްގެން ދިވެހިރާއްޖޭގެ ޤައުމީ ޔުނިވާރސިޓީގެ ދަރިވަރުންގެ ޔޫނިއަންގެ އެކި ގޮފިތަކުގެ ހިންގާކޮމެޓީގެ މެންބަރުންނާއި ސިލްސިލާ ގޮތެއްގައި ބައްދަލުކުރުމަށް ހަމަޖެހިފައިވާ ޕްރޮގްރާމްއެކެވެ.

ހޮނިހިރު ދުވަހު ބޭއްވިގެންދިޔަ މި ބައްދަލުވުމަކީ ޝެޓްސް އިން އިންތިޒާމު ކޮށްގެން ދިވެހިރާއްޖޭގެ ޤައުމީ ޔުނިވާރސިޓީގެ ދަރިވަރުންގެ ޔޫނިއަންގެ އެކި ގޮފިތަކުގެ ހިންގާކޮމެޓީގެ މެންބަރުންނާއި ބައްދަލުކުރުމަށް ރޭވިގެން ކުރިއަށް ގެންދެވުނު ފުރަތަމަ ބައްދަލުވުމެވެ. މި ބައްދަލުވުމުގައި ޝެޓްސްގެ ހިންގާ ކޮމެޓީގެ މެންބަރުންނާއި އަހުރައިގެ ހިންގާ ކޮމެޓީ މެންބަރުން ވަނީ ބައިވެރިވެފައެވެ.

މި ބައްދަލުވުމުގައި ދެ ގޮފީގެ މެންބަރުންގެ މެދުގައި ގުޅުން ބަދަހި ކުރެވޭނެ ގޮތްތަކާއި މެދު ވަނީ ވާހަކަދެކެވިފައެވެ. އަދި ދެ ގޮފިން މި ސެމިސްޓާގައި ރޭވިފައިވާ އިވެންޓުތަކުގެ މައުލޫމާތުވެސް ވަނީ ބަދަލުކުރެވިފައެވެ. އަދި އިވެންޓުތައް ބޭއްވުމުގައި ދިމާވާ މައިގަނޑު ދަތި ތަކުގެ މައުލޫމާތު ހޯދައި ދެ ގޮފީގެ ތަޖުރިބާގެ އަލީގައި އެކަންކަން ހައްލުކުރާނެ ގޮތްތައްވެސް ވަނީ ހޯދައިފައެވެ.

މި ބައްދަލުވުމަކީ ވަރަށް ކާމިޔާބު ބައްދަލުވުމެއްކަމުގައި މި ބައްދަލުވުމުގައި ބައިވެރިވި ދެ ގޮފީގެ މެންބަރުން ވަނީ ފާހަގަކޮށްފައެވެ.

އެކި އެކި ފެކަލްޓީތަކުގެ ގޮފިތަކާއި ގުޅުން ބަދަހިކޮށް ބައްދަލުކުރުމަށް ރާވައިގެން ކުރިއަށް މިގެންދާ ބައްދަލުވުންތައް ކައިރި މުސްތަޤުބަލުގައި އެހެން ގޮފިތަކާއި އެކުވެސް ކުރިއަށްގެންދެވޭނެ ކަމަށް ޝެޓްސްގެ ހިންގާ ކޮމެޓީން މައުލޫމާތުދެއެވެ.