ދިވެހިރާއްޖޭގެ ގައުމީ ޔުނިވަރސިޓީގެ ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީސް (އެފް.އެޗް.އެސް.ޓީ) ބެޗްލާރސް އޮފް އިންޓަރނޭޝަލް ހޮސްޕިޓާލިޓީ މެނޭޖްމެންޓުގެ (ބީ.އައި.އެޗް.އެމް) ޓާރމް 1 ގެ ދަރިވަރުން، ހެލްތު އެމަޖެންސީ އޮޕަރޭޝަންސް ސެންޓަރުގައި މަސައްކަތް ކުރައްވަމުން ގެންދަވާ ދަރުމަވެރިނަނަށް ކެއުމެއް އަރުވާފައެވެ.
މި ހަރަކާރަކީ ފުޑް ސާރވިސް މެނޭޖްމެންޓް އެންޑް ކޮންސެޕްޓް ޑިވެލޮޕްމެންޓް މޮޑިއުލްގެ ދަށުން ބެޗްލާރސް އޮފް އިންޓަރނޭޝަނަލް ހޮސްޕިޓާލިޓީ މެނޭޖްމެންޓް ކިޔަވާ ދަރިވަރުން ކުރިއަށް ގެންދިޔަ ހަރަކާތެކެވެ. މި މޮޑިއުލްގެ ދަށުން ފާއިތުވެދިޔަ އަހަރުތަކުގައިވެސް ގިނަ ހަރަކާތްތަކެއްވަނީ ބާއްވާފައިއެވެ.
6 އޮކްޓޯބަރ ވީ ބުދަދުވަހު އެފް.އެޗް.ޓީ.އެސް އަދި ދިވެހިރާއްޖޭގެ ޤައުމީ ޔުނިވާރސިޓިގެ ދަރިވަރުންގެ ޔޫނިއަން އަދި ޔޫރޯ ސްޓޯރގެ ދީލަތި އެހީއާއިއެކު ހިންގާފައިވާ މިހަރަކާތުގައި ވަނީ އެފް.އެޗް.އެސް.ޓީގެ ދަރިވަރުންނާއި ލެކްޗަރައިންވެސް ބައިވެރިވެފައިވެއެވެ. އަދި މި ހަރަކާތުގައި ހެލްތު އެމަޖެންސީ އޮޕަރޭޝަންސް ސެންޓަރުގައި މަސައްކަތްކުރަމުންގެންދާ ގިނަ ފަރާތްތަކެއްވެސް ވަނީ ބައިވެރިވެފައެވެ.
މިއަހަރު ބާއްވައިފައިވާ ހަރަކާތަަކީ ހެލްތު އެމަޖެންސީ އޮޕަރޭޝަންސް ސެންޓަރުގައި މަސައްކަތްކުރާ ހީވާގި ދަރުމަވެރިންގެ އިތުރުން ދަރުބާރުގޭގައި މަސައްކަތްކުރާ ކޮންޓްރެކްޓު ސްޓާފުންނާއި އެޗް.ޕީ.އޭގެ މުވައްޒަފުން ޤައުމަށް ކޮށްދެއްވަމުންގެންދަވާ އަގުހުރި މަސައްކަތަށް ޝުކުރުދެއްނެވުމަށް ހިންގުނު ހަރަކާތެކެވެ. މިއީ މީގެ ދެވަނަހަރަކާތެވެ.
ދިވެހިރާއްޖޭގެ ޤައުމީ ޔުނިވާރސީޓީގެ އެފް.އެޗް.ޓީ.އެސް އަކީ ދަރިވަރުންގެ އެކި މޮޑިއުލްތަކުގައި ހަދަންޖެހޭ އެކި އެކި ހަރަކާތްތަކުގައި މުޖުތަމަޢުއަށް ފައިދާކުރަނިވި ގޮތަކަށް ހަރަކާތްތަށް ރާވައި ހިންގުމަށް ހާއްސަ އިސްކަމެއްދޭ ބައެކެވެ. ކުރިއަށް އޮތަނުގައިވެސް މިފަދަ ހަރަކާތްތަކެއް އެފް.އެޗް.ޓީ.އެސް އިން ބޭއްވިގެންދާނެ ކަމަށް އެފް.އެޗް.ޓީ.އެސް މެނޭޖުމެންޓުން މައުލޫމާތު ދެއެވެ.
