އެފް.އެޗް.ޓީ.އެސްގެ ވެލްކަމް ނައިޓް ކާމިޔާބު ކަމާއިއެކު ނިންމާލައިފި

މިދިޔަ ހޮނިހިރު ދުވަހުގެރޭގައި އެފް.އެޗް.ޓީ.އެސްގެ ގޮފި، ޝެޓްސްއިން އައު ލީޑަރުންނަށް ޚާއްސަ ކޮށްގެން ހިންގި އެފް.އެޗް.ޓީ.އެސްގެ ވެލްކަމް ނައިޓް ކާމިޔާބު ކަމާއިއެކު ނިންމާލައިފިއެވެ.

މި ހަރަކާތުގައި އެފް.އެޗް.ޓީ.އެސްއާއި އަލަށް ގުޅުނު 40 އަށް ވުރެ ގިނަ ދަރިވަރުން ބައިވެރިވެފައިވާއިރު، މި ހަރަކާތް ފެށިގެން ދިޔައީ ވަކިވަކި ދަރިވަރުންގެ ތަޢާރަފު އަކުންނެވެ.

މިހަރަކާތް އިތުރަށް ފުރިހަމަވެގެން ދިޔައީގައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ) ގެ ފަރާތުން އައު ލީޑަރުންނަށް ހާއްސަކޮށްގެން ވާހަކަ ކޮޅަކާއި ނަސޭޙަތުގެ ބަސްކޮޅެއް ކުރިޔަށް ދިޔުމުންނެވެ.

ގްރޫޕްތަކަކަށް ބެހިގެން ހުރިހާ ދަރިވަރުންގެ މެދުގައި ފޯރިގަދަ ކުޅިވަރުތަކެއް ކުޅެވި އެކިއެކި އިނާމްތަށް ޙާސިލް ކުރިއެވެ. އެފް.އެޗް.ޓީ.އެސްގެ ހުރިހާ ވެލްކަމް ނައިޓްތަކުގައި ޚާއްސަކޮށް ކުރިއަށް ގެންދެވޭ މިއުޒިކަލް ޗެއާރގެރައުންޑެއް ކުޅުނެވެ.

ހަރަކާތް ނިންމާލުމުގެ ގޮތުން މިއުޒިކަލް ޗެއަރގެ މޮޅުކުޅުންތެރިޔާ ހޮވާ، ވެލްކަމްނައިޓްގެ ކޭކްފަޅައި، ފޮޓޯނެގުމާއި ޝެޓްސްގެ ކޮމެންޓް ގަހުގައި ކުދިން ލިޔެފައިވާ ކޮމެންޓްތައް އެލުވުނެވެ. ވެލްކަމް ނައިޓްއަކީ ޝެޓްސްގެ މިދައުރުގެ ފުރަތަމަ ހަރަކާތަށް ވުމާއިއެކު، ޝެޓްސްގެ އުއްމީދަކީ މިދައުރުގައި އަދިވެސް މިފަދަ ފުރިހަމަ ގިނަ ހަރަކާތް ތަކެއް ހިންގުމެވެ.