ފެކަލްޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީޒްގެ ގޮފި، ސޮސައިޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީޒް (ޝެޓްސް) ވަނީ ނިމިދިޔަ ހޮނިހިރު ދުވަހުގައި ވިލިމާލެ އަށް ދަތުރު ގޮސްފައެވެ. މި ދަތުރަކީ ޝެޓްސް ލީޑާސް ގްރޫޕަށް އަލަށް ވަން ކުދިންނާ ގުޅުން ބަދަހި ކުރުމަށް ރޭވިގެން ކުރިޔަށް ގެންދެވުނު ދަތުރެކެވެ.
މި ދަތުރު ގޮސްފައިވަނީ 26 ފެބުރުއަރީ 2022 ވީ ހޮނިހިރު ދުވަހުގައި ޝެޓްސްގެ އައު ލީޑަރުންނާއި ހިންގާ ކޮމިޓީގެ މެންބަރުންގެ އިތުރުން މިހާރުވެސް ޝެޓްސްގެ ލީޑަރުންގެ ގޮތުގައި އުޅެމުންދާ ކުދިންނާ އެކުގައެވެ. މި ދަތުރުގައި 25 އަށްވުރެ ގިނަ ދަރިވަރުން ބައިވެރިވެ، މުނިފޫހި ފިލުވުމުގެ ގޮތުން ތަފާތު އެކި ކުޅިވަރުތައް ވަނީ ކުޅެފައެވެ. އޭގެތެރެއިން ތޮފިވެއްޓި، ފައިގަތަޅާ، ފުޓްބޯޅަ އަދި ލަވަބާޒީ ފަދަ ފޯރިގަދަ އަދި މަޖާ ކުޅިވަރުތައް ހިމެނެއެވެ.
މި ދަތުރަކީ ޝެޓްސް ލީޑާސްއާ އަލަށް ގުޅުނު ދަރިވަރުންގެ މެދުގައި އެކުވެރިކަން އާލާކޮށް ގުޅުން ބަދަހި ކުރުމުގެ މަގްސަދުގައި ހިންގުނު ކާމިޔާބު ދަތުރެކެވެ. ޝެޓްސްގެ އަމާޒަކީ މުސްތަގުބަލުގައި މިފަދަ ގިނަ ހަރަކާތްތައް ހިންގުމެވެ.
