ޝެޓްސްގެ މޫވީ ނައިޓް ކާމިޔާބު ކަމާއިއެކު ބާއްވައިފި

3 މާރޗް ވީ ބުރާސްފަތި ދުވަހުގެރޭގައި، ސޮސައިޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީސް (ޝެޓްސް)ގެ މޫވީ ނައިޓް ކާމިޔާބު ކަމާއިއެކު ނިންމާލައިފިއެވެ.

ވޭތުވެދިޔަ އަހަރުތަކެކޭ އެއްފަދައިން މިއަހަރުވެސްވަނީ ޝެޓްސްގެ މޫވީ ނައިޓްއަށް ގިނަ އަދަދެއްގެ ލެކްޗަރަރސް އާއި ދަރިވަރުންގެ ތަރުހީބު ލިބިފައެވެ. މި ހަރަކާތަކީ ފެކަލްޓީ އޮފް ހޮސްޕިޓާލިޓީ އެންޑް ޓުއަރިޒަމް ސްޓަޑީސް (އެފް.އެޗް.ޓީ.އެސް)ގެ ވޮލީ ބޯޅަ ޓީމުގެ ކަންކަން ހަމަޖެއްސުމަށް ފައިސާ ހޯދުމުގެ މަޤުސަދުގައި ކުރިއަށް ގެންދެވުނު ހަރަކާތެކެވެ. މި ހަރަކާތް ކުރިއަށް ގެންގޮސްފައިވަނީ އެމް.އެން.ޔޫ ގެ ސެންޓްރަލް އޮޑިޓޯރިއަމްގައެވެ.

ޝެޓްސްގެ މޫވީ ނައިޓްގައި މިފަހަރު އަޅުވާފައިވާ ފިލްމަކީ ”ދަ ޓުމޯރޯ ވަރ“ ކަމަށް ވާއިރު މިފިލްމްގެ ޓިކެޓެއްގެ އަގަކީ ފަނަރަ ރުފިޔާއެވެ. މި ހަރަކާތައް އިތުރު ފުރިހަމަ ކަމެއް ގެނެސްދިނުމަށްޓަކައި ޕޮޕްކޯން،ކަޕްކޭކް، މަޖާ އަދި މީގެ އިތުރުން ކޮކާ ކޯލާ ފަދަ ބުއިމުގެ ބާވަތްތައް ވަނީ ވިއްކައިފައެވެ.

ޝެޓްސްއިން ވަނީ މިފަދަ ހަރަކާތްތައް ކުރިއަށް އޮތްތާގައިވެސް އިންތިޒާމު ކުރުމަށް ރާވައިފައެވެ.