ދިވެހިރާއްޖޭގެ ގައުމީ ޔުނިވާރސިޓީގެ ދަރިވަރުންގެ ޔޫނިއަންގެ ގޮފިތަކުގެ ތެރެއިން އެފް.އެޗް.ޓީ.އެސް ގެ ދަރިވަރުންނަށް ހާއްސަ ގޮފި ޝެޓްސް އިން މި އަހަރުގެ ދެވަނަ ދަތުރު މާލެ އަތޮޅުގެ އަޒަލިއާ ފިނޮޅަށް ގޮސްފިއެވެ. އަޒަލިއާ ފިނޮޅަކީ މާލެ އަތޮޅު ހުވަފެންފުށި ރިސޯޓު ކައިރީ އޮންނަ ފިނޮޅެކެވެ. 26 މާރިޗު 2022 ވަނަ ދުވަހު ހެނދުނު 7 ޖެހި އިރު ދަތުރުގެ ބައިވެރިން އެމް.އެމް.އޭ ސަރަހައްދުން ދަތުރަށް ފުރި އިރު މި ދަތުރުގައި ޝެޓްސް އަށް ނިސްބަތްވާ ތިރީހަށްވުރެ ގިނަ އިސްވާރުން ވަނީ ބައިވެރި ވެފައެވެ.
މި ދަތުރަކީ އެމް.އެން.ޔޫ.އެސް.ޔޫއިން އިންތިޒާމުކޮށް ކުރިޔަށް ގެންދިޔަ އިންޓަރ ފެކަލްޓީ ވޮލީބޯޅަ މުބާރާތުގައި އެފް.އެޗް.ޓީ.އެސްގެ އަންހެން އަދި ފިރިހެން ޓީމުގެ ކުޅުންތެރިންނާއި ސަޕޯޓަރުން ކުރި ބުރަ މަސައްކަތުގެ އަގު ވަޒަން ކުރުމަށާއި ޝެޓްސްގެ އިސްވާރުންގެ މެދުގައި އެއްބައިވަންތަކަން ދެމެހެއްޓުމަށް ޝެޓްސްގެ މި ދައުރުގެ ހިންގާ ކޮމެޓީން ރާވާ އިންތިޒާމު ކުރި ދަތުރެކެވެ.
މި ދަތުރުގެ ބައިވެރިންގެ މެންދުރުގެ ކެއުމަށް ޝެޓްސްގެ އިސްވާރުން އިންތިޒާމު ކުރި މާހެފުމުގެ ހަރަކާތް ކުރިޔަށް ގެންގޮސްފައިވާއިރު، މި މާހެފުމަށް އިސްވާރުންގެ ފަރާތުން ތަފާތު އެކި ވައްތަރުގެ ދިވެހި ކެއުންތައް ވަނީ ތައްޔާރު ކުރެވިފައެވެ.
ކާމިޔާބު ދަތުރަކަށް ފަހު ހަވީރު 4:30 ގައި ދަތުރުގެ ބައިވެރިން އެނބުރި މާލެ އައިސްފައިވާއިރު ދަތުރުގައި އުފެދުނު ހުރިހާ ކުނިފަދަ ތަކެތި މާލެ ގެނައުމަށް ފަހު ދަތުރުގެ ބައިވެރިންވަނީ ވެމްކޯ ސަރަހައްދަށް ގެންގޮސްފައެވެ.
ނިމިދިޔަ 2021 ވަނަ އަހަރުގެ ވޮލީ މުބާރާތަށް ޝެޓްސް އިން ކ.ވިލިނގިއްޔަށް ދަތުރު ދިޔައިރު މިފަހަރުގެ ދަތުރަކީ މި ފަހުގެ ތާރީހެއްގައި ޝެޓްސް އިން ފިނޮޅަކަށް ކުރި ފުރަތަމަ ދަތުރެވެ.
