ސުފުރާމަތިން މި އަހަރުވެސް ޝެޓުސްގެ ފޭސްބޫކް ޕޭޖް އިން!

ސޮސައިޓީ ފޯރ ހޯސްޕިޓާލިޓީ އެންޑް ޓޫރިޒަމް ސުޓަޑީޒް (ޝެޓުސް) އިން ކޮންމެ އަހަރެއްގެވެސް ރަމަޟާން މަހަށް ހާއްސަ ކޮށްގެން ގެނެސްދެމުންދާ ޕްރޮގުރާމް ސުފުރާމަތިންގެ ސީޒަން 2ގެ އެޕިސޯޑުތައް މި އަހަރުވެސް (ޝެޓުސް) ގެ ފޭސް ބޫކް ޕޭޖް މެދުވެރިކޮށް ގެނެސްދޭން ފަށައިފިއެވެ.

ނިމިދިޔަ ހަފުތާގެ ބުރާސްފަތި ދުވަހުގެރޭ މިއަހަރުގެ ފުރަތަމަ އެޕިސޯޑު ގެނެސްދީފައިވާއިރު މި އަހަރުގެ އެޕިސޯޑުތައް ދެއްކުމައް ހަމަ ޖެހިފައިވަނާ ކޮންމެ ހަފުތާއެއްގެ ބުރާސްފަތި ހުކުރު އަދި ހޮނިހިރު މި ތިންދުވަހުވެ.

ސުފުރާމަތިން މި ޕްރޮގުރާމަކީ ދިވެހިރާއްޖޭގެ ގައުމީ ޔުނިވާރސިޓީގެ ދަރިވރުންގެ ޔޫނިއަންގެ ގޮފި ތަކުގެ ތެރެއިން ފެކަލްޓީ އޮފް ހޮސްޕިޓާލިޓީ އެންޑް ޓޫރިޒަމް ސުޓާޑީޒްގެ (އެފް.އެޗް.ޓީ.އެސް) ގެ ދަރިވަރުންނަށް ހާއްސަ ގޮފި ސޮސައިޓީ ފޯރ ހޮސްޕިޓާލިޓީ އެންޑު ޓޫރިޒަމް ސުޓަޑީޒް (ޝެޓުސް) އިން ތައްޔާރުކޮށް ގެނެސްދޭ ޕްރޮގުރާމެކެވެ.

މި ޕްރޮގުރާމަކީ އެފް.އެޗް.ޓީ.އެސް ގައި ތައުލީމު ހާސިލް ކުރަމުންދާ ދަރިވަރުންގެ ކެއްކުމުގެ ހުނަރު ކުރިއެރުވުމަށާއި އަދި ރަމަޟާން މަހާ ދިމާކޮށް އާންމުންނާ ހަމައައް ތަފާތު އެކިއެކި ކާ އެއްޗެހި އަދި ބޯއެއްޗެހި ތައްޔާރު ކުރެވިދާނެ ގޮތްތައް ގެނެސްދިނުމައް ކުރިޔައްގެންދާ ޕުރޮގުރާމެކެވެ.

މި އަހަރުގެ ޕްރޮގުރާމުގައި ޖުމުލަ 12 އެޕިސޯޑެއް ގެނެސްދިނުމައް ހަމަ ޖެހިފައިވެއވެ. މި އަހަރުގެ 12 އެޕިސޯޑުގެ ޝޫޓިން ކާމިޔާބުކަމާއެކު މިހާރު ނިންމާލެވިފައި ވާއިރު، މި އަހަރު މުޅިން އަލައް  4 އެޕިސޯޑެއްގައި ވަނީ 4 ޑެޒާޓެއް ތައްޔާރު ކުރާނެ ގޮތް ގެނެސްދިނުމައް ހަމަ ޖެހިފައެވެ.

ނިމިދިޔަ 1443 ވަނަ އަހަރުގެ ރަމަޟާން މަހު ޝެޓުސްގެ ފޭސްބުކް ޕޭޖް މެދުވެރިކޮށް ސުފުރާމަތިން ސީޒަން އެކެއްގެ 8 އެޕިސޯޑެއް ގެނެސްދެވުނު އިރު، އެ އަށް އެޕިސޯޑަށް ބެލުންތެރިންގެ ފަރާތުން ވަނީ ހޫނު ތަރުހީބެއް ލިބިފައެވެ.

މި އަހަރުގެ އެޕިސޯޑުތައް ތައްޔާރުކުރުމަށް އެފްއެޗްޓީއެސްގެ މެނޭޖުމެންޓާ ލެކްޗަރާއިންގެ އިތުރުން އެމެއެންޔޫގެ މެނޭޖްމެންޓުގެ ފަރާތުން ވަނީ އެހީތެރިކަން ލިބިފައެވެ.