ޝެޓްސްއިން މިޓާމުގެ ފުރަތަމަ ލީޑާސް މީޓިން ބާއްވައިފިއެވެ. 6 ސެޕްޓެންބަރު ވީ އަންގާރަ ދުވަހުގެ ހަވީރު، އެފް.އެޗް.ޓީ.އެސްގައި، ބޭއްވި މި ބައްދަލުވުމުގައި 30 ށް ވުރެ ގިނަ ދަރިވަރުން ވަނީ ބައިވެރިވެފައެވެ.
މި ބައްދަލުވުމަކީ، އަލަށް ޝެޓްސްއާ ގުޅުނު އިސްވާރުންނާއި ބައްދަލުކޮށް، މި ޓާމުގައި ޝެޓްސްގެ ފަރާތުން ކުރިއަށް ގެންދިއުމަށް ހަމަޖެހިފައިވާ ހަރަކާތްތައް ޝެޓްސްގެ އިސްވާރުންނާއި ހިއްސާކުރުމަށް ޝެޓްސްގެ ހިންގާ ކޮމެޓީ އިން ކުރިއަށް ގެންދިޔަ ބައްދަލުވުމެކެވެ.
މި ބައްދަލުވުމުގައި ފާއިތުވެދިޔަ 2 އަހަރު ޝެޓްސްގެ ފަރާތުން ކުރިއަށްގެންގޮސްފައިވާ ހަރަކާތްތަކަށް ހާއްސަކޮށް ހަދާފައިވާ ވީޑިއޯ ރިޕޯޓެއް ވަނީ ދައްކާފައެވެ.
ޝެޓްސްގެ ކުރީގެ ދެ ރައީސުން ކަމަށްވާ ޖައިޝް އަލީ ވަހީދު އަދި ސުއައިދު ޔޫނުސް ވަނީ މި ބައްދަލުވުމުގައި ބައިވެރިވެ ވަޑައިގެން އަލަށް ޝެޓްސްއާ ގުޅުނު އިސްވާރުންނާ މުހާތަބުކޮށް ވާހަކަފުޅު ދައްކަވާފައެވެ.
މި ބައްދަލުވުމުގައި މި ޓާމުގައި ޝެޓްސްގެ ފަރާތުން ކުރިއަށް ގެންދިޔަ ހަރަކާތްތަކާއި، ކުރިއަށް ގެންދިއުމަށް ހަމަޖެހިފައިވާ ހަރަކާތްތަކުގެ މައުލޫމާތުވަނީ ޝެޓްސްގެ ހިންގާ ކޮމިޓީގެ ފަރާތުން އިސްވާރުންނާ ހިއްސާކޮށްފައެވެ.
ލީޑާރސް މީޓިންނާއެކު، ޝެޓްސްގެ މި ޓާރމުގެ ހަރަކާތްތައް ފެށިގެން ދިޔައިރު، މި ޓާރމުގައިވެސް ތަފާތު އެކި ހަރަކާތްތައް ކުރިޔަށް ގެންދިއުމަށް ނިންމާފައިވާކަމަށް ޝެޓްސްގެ ހިންގާ ކޮމެޓީން މައުލޫމާތުދެއެވެ.
