ދެވަނަ ޓާމުގައި ޝެޓްސްއަށް އަލަށް ގުޅުނު އިސްވާރުންނަށް ހާއްސަކޮށް ޝެޓްސްގެ މި ޓާމުގެ ”ނިއު ލީޑާސް ޓްރިޕް“ ދަތުރު ކުރިއަށް ގެންގޮސްފިއެވެ. 9 ސެޕްޓެންބަރު ވީ ހުކުރު ދުވަހުގެ މެންދުރުފަހު ވިލިމާލެއަށް ކުރި މި ދަތުރުގައި ޝެޓްސްގެ 30 އިސްވާރުން ވަނީ ބައިވެރިވެފައެވެ.
މި ދަތުރަކީ ޝެޓްސްއަށް އަލަށް ގުޅުނު އިސްވާރުންނާއި ކުރީގެ އިސްވާރުންނާ ގުޅުން ބަދަހިކުރުމަށް ކުރިއަށް ގެންދެވުނު ހަރަކާތެކެވެ. އެކުވެރި މާހައުލެއްގައި ކުރިއަށްދިޔަ މި ދަތުރުގައި މުނިފޫހިފިލުވުމުގެ ހަރަކާތްތަކުގެ އިތުރަށް ތަފާތު އެކި ކުޅިވަރުތައް ވަނީ ކުޅެވިގެންގޮސްފައެވެ.
ކާމިޔާބުކަމާއެކު ޝެޓްސްގެ މި ދަތުރު ނިންމާލިއިރު ކުރިޔަށް ހުރި ހަރަކާތްތަކުގައި ޝެޓްސްގެ ގިނަ އިސްވާރުން ބަދަހި ގުޅުމަކާއެކު ފެންނާނެކަމަށް އުއްމީދުކުރެވެއެވެ.
މި ދަތުރަށްފަހު ޝެޓްސްގެ އިތުރު ހަރަކާތްތައް މެކުހަށްޖަހާފައިވާއިރު މި މަހުގެ 17 ވާ ހޮނިހިރު ދުވަހު ޝެޓްސް އަދި މެޑިކޯސް ގުޅިގެން ”ސުވިޗް އިޓް އަޕް 2022“ މި ނަމުގައި ހަރަކާތްތަކެއް ކުރިޔަށް ގެންދިޔުމަށް ހަމަޖެހިފައިވާ ކަމަށް ޝެޓްސްގެ ހިންގާ ކޮމެޓީން މައުލޫމާތުދެއެވެ.
