ޕާރލޭ އަދި ޕްރޮމިސް ޕްރޮޖެކްޓް ގުޅިގެން ކުރިޔަށް ގެންދާ ބީޗް ކްލީނިންގ އިވެންޓްގައި ޝެޓްސްގެ އިސްވާރުން ބައިވެރިވެއްޖެއެވެ. 2022 އޮކްޓޫބަރު 29ވީ ހޮނިހިރު ދުވަހުގެ ހެދުނު 6:30 އިން 9:00 އަށް ގުޅިފަޅުގެ އަތިރިމަތީގައި ކުރިޔަށް ދިޔަ މި ހަރަކާތުގައި ޝެޓްސްގެ 11 އިސްވާރުންވަނީ ބައިވެރިވެފައެވެ.
މި ހަރަކާތަކީ ޕާރލޭ އަދި ޕްރޮމިސް ޕްރޮޖެކްޓް ގުޅިގެން ސިލްސިލާ ގޮތެއްގައި، އެކި އެކި ސަރަހައްދު ތަކުގައި ކުރިޔަށް ގެންދަމުންދާ ހަރަކާތެކެވެ. މި ހަރަކާތްތަކުގެ މަގުސަދަކީ ރިސައިކަލް ކުރެވޭ ފަދަ ޕުލާސްޓިކް އަދި އެހެނިހެން ބާވަތްތަކުގެ ޕްލާސްޓިކް އެޅިފައިވާ ތަންތަން ސާފު ކުރުމެވެ.
މި ހަރަކާތުގެ ކުރިން ޕާރލޭ އިން ވަނީ ޝެޓްސްގެ އިސްވާރުންނަށް ރިސައިކަލް ކުރެވޭ ފަދަ ޕްލާސްޓިކް އަދި އެހެނިހެން ބާވަތްތަކުގެ ޕްލާސްޓިކް ވަކި ކުރާނެ ގޮތުގެ ހާއްސަ ސެޝަނެއް ކުރިޔަށް ގެންގޮސްފައެވެ.
ޕާރލޭ އަދި ޕްރޮމިސް ޕްރޮޖެކްޓް ގުޅިގެން ކުރިޔަށް ގެންދާ މިފަދަ އިތުރު ހަރަކާތްތަކުގައި ބައިވެރިވުމަށް ޝެޓްސް އިންވަނީ ނިންމާފައެވެ.
