ޝެޓްސް 3ވީ3 ފުޓުސަލް ޓޯރނަމެންޓް 2023 ގެ ޗެމްޕިއަންކަން ޗައްމަކު ޗައްލޯ އިން ހޯދައިފިއެވެ. 16 ސެޕްޓެމްބަރ 2023 ވީ ހޮނިހިރު ދުވަހުގެ މެންދުރު 12:00 އިން ފެށިގެން ހަވީރު 6:00 ކަށް ކުރިއަށް ދިޔަ މި މުބާރާތުގައި ޖުމުލަ 15 މެޗް ވަނީ ކުޅެވިގެން ގޮސްފައެވެ.
މި މުބާރާތަކީ ކުރިއަށް އޮތް އެމް.އެން.ޔޫ.އެސް.ޔޫ ފުޓްސަލް ފިއެސްޓާ އަށް އެފް.އެޗް.ޓީ.އެސްގެ ޓީމު ތައްޔާރު ވުމުގެ ގޮތުންނާއި އެފް.އެޗް.ޓީ.އެސްގެ ދަރިވަރުންގެ މެދުގައި ފުޓްސެލްގެ ފޯރި އިތުރުކޮށް، ފުޓުސަލްގެ ގަވާއިދުތަކަށް އަހުލުވެރި ކުރުމަށް ޝެޓްސްގެ ހިންގާ ކޮމެޓީން ރާވާ އިންތިޒާމް ކޮށްގެން ކުރިޔަށް ގެންދެވުނު މުބާރާތެކެވެ.
މި މުބާރާތުގައި އެފް.އެޗް.ޓީ.އެސްގެ ހަތް ޓީމަކުން ބައިވެރިވިއިރު ޝެޓްސްގެ ހިންގާ ކޮމެޓީގެ ހާއްސަ ދައުވަތަކަށް އެމް.އެން.ޔޫ.އެސް.ޔޫ ގެ ޓީމަކާއި އެކު ޖުމުލަ އަށް ޓީމް ވަނީ ވާދަކޮށްފައެވެ.
ދެ ގުރޫޕަކަށް ބަހާލައިގެން ކުރިޔަށް ގެންދެވުނު މި މުބާރާތުގައި ގުރޫޕް ބުރުގެ މެޗްތަކަށް ފަހު ކޮންމެ ގުރޫޕެއްގެ އެއްވަނަ އަދި ދެވަނަ ޓީމް ވަނީ މުބާރާތުގެ ސެމީ ފައިނަލަށް ދަތުރު ކޮށްފައެވެ. އަދި ސެމީ ފައިނަލުގެ މެޗުތައް ކާމިޔާބުކުރި ދެ ޓީމްގެ މެދުގައި ވަނީ މުބާރާތުގެ ފައިނަލް މެޗް ކުޅެވިގެން ގޮސްފައެވެ. މުބާރާތުގެ ފައިނަލުގައި ވާދަކުރީ އެފް.އެޗް.ޓީ.އެސް ގެ ދެ ޓީމް ކަމުގައިވާ ޗައްމަކު ޗައްލޯ އަދި މޭ އެފް.ސީ އެވެ. ފޯރިގަދަ ކުޅުމަކަށް ފަހު 1:0 ގެ ނަތީޖާއަކުން މުބާރާތުގެ ޗެމްޕިއަން ކަން ހޯދީ ޗައްމަކު ޗައްލޯއެވެ.
މުބާރާތުގެ އެންމެ މޮޅު ތިން ކުޅުންތެރިންނަކީ މޭ އެފް.ސީ ގެ ޔާނިޔު އިބްރާހިމް، ޗައްމަކު ޗައްލޯގެ އަހުމަދު އީވާން މުހައްމަދު އަދި މުހައްމަދު އިޝްހާމްއެވެ. މީގެ އިތުރަށްވެސް މުބާރާތުގައި ވަނީ ހުނަރުވެރި މޮޅެތި ކުޅުންތެރިން ފެނިގެން ގޮސްފައެވެ.
ކުރިޔަށް އޮތް އެމް.އެން.ޔޫ.އެސް.ޔޫ ފުޓްސަލް ފިއެސްޓާގެ އަންހެން އަދި ފިރިހެން ޑިވިޝަންގައި އެފް.އެޗް.ޓީ.އެސްގެ ދެ ޓީމްވެސް އަންނަނީ މުބާރާތަށް އެންމެ ފަހުގެ ތައްޔާރީތައް ވަމުންނެވެ.
