ފެކަލްޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީސް (އެފް.އެޗް.ޓީ.އެސް)ގެ ގޮފި ސޮސައިޓީ ފޯ ހޮސްޕިޓާލިޓީ އެންޑް ޓޫރިޒަމް ސްޓަޑީޒް (ޝެޓްސް) އިން ދިވެހރާއްޖޭގެ ޤައުމީ ޔުނިވަރސިޓީ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)އާއި ގުޅިގެން ބާއްވާ ”ޕަބްޖީ މޯބައިލް ޓޯނަމެންޓް“ގެ ކުޅުން އަންނަ ހޮނިހިރު ދުވަހު ކުރިޔަށް ގެންދިއުމަށް ނިންމާފިއެވެ.
އެމް.އެން.ޔޫ ގެ ހުރިހާ ދަރިވަރުނަނަށް ހުޅުވާލައިގެން ކުރިޔަށް ގެންދިއުމަށް ނިންމާފައިވާ މި މުބާރާތުގެ ކުޅުން ކުރިޔަށް ގެންދިއުމަށް ކުރިން ނިންމާފައިވަނީ 20 އަދި 21 ސެޕްޓެމްބަރ ވާ ހުކުރު އަދި ހޮނިހިރު ދުވަހުއެވެ. ނަމަވެސް އެކި އެކި ސަބަބަތަކާއި ގުޅިގެން މުބާރާތުގެ ބައިވެރިވުމުގެ ފުރުސަތު ވަނީ 20 ސެޕްޓެމްބަރ 2024 ވާ ހުކުރު ދުވަހުގެ ރޭގަނޑު 19:00 އިތުރު ކޮށްފައެވެ. އަދި މުބާރާތުގެ ކުޅުން ކުރިޔަށް ގެންދިއުމަށް ނިންމާފައިވަނީ 21 ސެޕްޓެމްބަރ ވާ ހޮނިހިރު ދުވަހުއެވެ.
މި މުބާރަތުގައި ބައިވެރި ވުމުގެ ފުރުސަތު ހުޅުވާލައިފައި ވަނީ ސްކޮޑް (4 ބައިވެރިންގެ ޓީމް) އެއްގެ ގޮތުގައެވެ. އެހެންކަމުން މުބާރާތުގެ ފޯރިގަދެވެ ވާދަވެރިކަން އިތުރުވެގެން ދާނެ ގަބޫލުކުރެވެއެވެ. މި މުބާރަތަކީ ދަރިވަރުންނަށް ލިބޭ ހުސްވަގުތުތަށް އެކުވެރި މާހައުލެއްގައި ހޭދަ ކުރުމަށާއި، ދަރިވަރުންގެ ކިބާގައި ހުރި ތަފާތު އިތުރު ހުނަރުތަށް ދެނެގަނެ، ވާދަވެރި މާހައުލެއްގައި އީގޭމިން ކުޅުމުގެ ފުރުސަތު ދަރިވަރުންނަށް ތަނަސްވަސް ކޮށްދިނުމަށް ކުރިޔަށް ގެންދެވޭ މުބާރާތެކެވެ.
މިއީ މިފަދަ މުބާރާތެއް އެމް.އެން.އެސް.ޔޫ އާއި ގުޅިގެން ޔޫނިއަންގެ ގޮތްޕަކުން ކުރިޔަށް ގެންދާ ފުރަތަމަ ފަހަރެވެ. ޝެޓްސްގެ އަމާޒަކީ މި މުބާރާތް ކަމިޔާބުކަމާއެކު ކުރިއަށް ގެންގޮސް، ކުރިއަށް އޮތްތަނުގައި ދެމެހެއްޓެނިވި ގޮތެއްގައި މި މުބާރާތް ކޮންމެ އަހަރކުވެސް ކުރިއަށްގެންދިޔުމެވެ.
