ދިވެހި ޅެން ހެދުމުގެ މުބާރާތެއް ސިއާއިން ހުޅުވާލައިފިއެވެ.
މި މުބާރާތަކީ ދިވެހި ޅެންވެރިކަމުގެ ދުވަހާއި ގުޅުވައިގެން އެމް.އެން.ޔޫ ގެ ހުރިހާ ދަރިވަރުންނަށް ހުޅުވާލައިފައިވާ މުބާރާތެކެވެ. މި މުބާރާތުގެ މަޤުޞަދަކީ ދިވެހި ޅެންވެރިކަން ދިރުވާ އާލާ ކުރުމާއި ދެމެހެއްޓުމުގެ އިތުރުން ދަރިވަރުންގެ ތެރޭގައި ދިވެހި ބަހައް ދޭ އަހަންމިއްޔަތުކަން އިތުރު ކުރުމެވެ. މީގެ އިތުރުން މި މުބާރާތުގެ ސަބަބުން ކުދިންގެ ކިބައިގަ ހުރި ޅެންވެރިކަމުގެ ހުނަރު ޔުނިވާރސިޓީގައި ފާހަގަ ކުރެވިގެން ދިއުމަކީ ވެސް މި މުބާރާތުގެ އެއް މަޤްޞަދެވެ.
15 މާރޗް ވީ ބުރާސްފަތި ދުވަހު ހުޅުވާލި މި މުބާރާތުގެ ވަނަތައް ހޮވަން ހަމަޖެހިފައިވަނީ 22 މާރޗް 2018 ވާ ބުރާސްފަތި ދުވަހު ސިއާ އާއި ދިވެހިބަހުގެ އެކަޑަމީ ގުޅިގެން ބާއްވާ ”ގުންޒަރު“ ގައެވެ.
މި މުބާރާތައް ޅެން ހުށަހެޅުމުގެ އެންމެ ފަހު ތާރިޚަކީ 21 މާރޗް 2018 ވާ ބުދަ ދުވަހުގެ 18:00 އެވެ. ޅެން ހުށަހަޅަން ޖެހެނީ ފެކަލްޓީ އޮފް އާރޓްސްގެ އޮފީހަށް ނުވަތަ ސިއާގެ މެއިލް އަށް މެއިލް ކޮއްގެންނެވެ.
ލިޔުނީ: ރުޤިއްޔާ ރިމާނާ، ޙަޒާންދާރު، ސިއާ
