ދިވެހިރާއްޖޭގެ ޤައުމީ ޔުނިވަރސިޓީގެ ދަރިވަރުންގެ ޔޫނިއަން (އެމް.އެން.ޔޫ.އެސް.ޔޫ)ގެ ހިންގާ ކޮމިޓީން ސިއާ އާއި ބައްދަލުކޮށްފިއެވެ.
އޭޕްރީލް 3 ވީ އަންގާރަދުވަހުގެރޭ ޔޫނިއަންގެ އޮފީހުގައި، ބޭއްވި މި ބައަދަލުވުމުގައި ސިއާގެ ރައީސާ ފިޔަވައި ހިންގާ ކޮމިޓީގެ އެހެން ހުރިހާ މެންބަރުން ބައިވެރިވިއެވެ. ޔޫނިއަންގެ ރައީސް، ނައިބު ރައީސް (ޢަމަލީ)، ނައިބު ރައީސް (ގޮފިތައް)، މީޑިއާ ކޯޑިނޭޓަރ އަދި އެސިސްޓެންޓް ސެކްރެޓަރީ ބައިވެރިވި މި ބައްދަލުވުމަކީ މިވަގުތު ފެކަލްޓީ އޮފް އާރޓްސްގެ ގޮފި ’ސިއާ‘ އޮތް ޙާލަތު ދެނެގަތުމާއި ސިއާއިން ކުރިއަށް ރާވާފައިވާ ޙަރަކާތްތަކާއިމެދު ޔޫނިއަންގެ ހިންގާ ކޮމިޓީ އާއި މަޝްވަރާކުރުމަށް ބޭއްވި ބައްދަލުވުމެކެވެ. ސިއާ އިން މިއަހަރު ކުރިއަށް ގެންގޮސްފައިވާ ޙަރަކާތްތަކާއިބެހޭގޮތުންވެސް ވާހަކަ ދެއްކެވުނެވެ. އަދި ސިއާ އިން ކުރާ ކަންކަން މިއަށް ވުރެވެސް ފުރިހަމަ އަށް ޔޫނިއަން އިން ވިލަރެސް ކުރުމަށްވެސް ވަނީ ވާހަކަ ދެކެވިފައެވެ. އަދި ދަރިވަރުންނާ ގުޅުންހުރި ވީހާވެސް ގިނަ ހަރަކާތްތަކެއް ހިންގުމަށް ޔޫނިއަން އިން ވަނީ އެދިފައެވެ.
މި ބައްދަލުވުންތަކަކީ ޔޫނިއަންގެ މިހާރު އޮތް 13 ގޮތްޕާއެކު ވަކިވަކިން ބައްދަލުވުންތަކެއް ބޭއްވުމަށް ޔޫނިއަންގެ ހިންގާ ކޮމިޓީން ނިންމައިގެން ބާއްވާ ބައްދަލުވުންތަކެކެވެ.
ސިއާ އާއި އެކު ފުރަތަމަ ބައްދަލުވުން ބޭއްވުނުއިރު، ޔޫނިއަންގެ އަމާޒަކީ ހުރިހާ ގޮތްޕެއްގެ ހިންގާ ކޮމިޓީތަކާއި ވީހާވެސް އަވަހަށް ބައްދަލުކުރުމެވެ.
ލިޔުނީ: ރުޤިއްޔާ ރިމާނާ، ޙަޒާންދާރު، ސިއާ
